Житие святой Варвары, икона великомученицы и в чем помогает

Путь к Богу у каждого свой. Пример святой Варвары, раннехристианской страдалицы, говорит, как трудно бывает сохранить веру, если ты окружен непониманием и злобой. Выросшая в семье, горячо исповедовавшей язычество, ради Господа Варвара пошла наперекор самому близкому человеку. Выпавшие на ее долю физические и нравственные муки не сломили дух, познавший Истинного Бога.

Содержание

Краткое жизнеописание великомученицы

Святая Варвара прожила короткую жизнь и погибла за веру в Христа от рук своего отца.

Происхождение

О великомученице известно, что она была аристократического рода. По месту рождения и гибели Варвару еще называют Илиопольской святой (город Илиополь Финикийский). Отец был приближенным византийского императора Максимиана, сторонником истребления христиан.



Житие и обращение в христианство

В раннем детстве девочка осталась без матери. Воспитанием дочери занимался отец, Диоскор. Чтобы уберечь Варвару от дурных людей, он оградил ее от человеческого общества, поместив в башню. Кроме отца, внушавшего ей свои ценности и представления, подрастающей дочери оставалось созерцание природы и размышления о сути жизни. Подобный образ жизни навел девушку на мысли о существовании Единого Бога, создавшего прекрасный мир. Варвара отреклась от языческих представлений, поняв, что они придуманы людьми. Однажды, находясь в глубоких раздумьях, Варвара почувствовала Божью благодать и поняла свою правоту об Истинном Боге.

Несмотря на заточение, слухи о красоте девушки проникли за пределы башни. Появились женихи, желавшие вступить в брак. Но Варвара категорически отказалась выходить замуж. Отец решил, что это из-за длительного уединения и разрешил девушке прогулки по городу. Знакомство с тайными христианками утвердило ее в своей правоте. Варвара решила принять Крещение. Во время отъезда отца из Илиополя она встретилась со священнослужителем, приехавшим в город под видом торговца. Он научил Варвару основам христианства и крестил.

В усадьбе Диоскора строилось банное помещение. Варвара уговорила отступить от отцовского плана: сделать 3 окна, как символ святой Троицы. Над купальней она изобразила крест. Думая, что отец поймет и разделит ее веру, девушка рассказала возвратившемуся Диоскору об Иисусе Христе, пояснив свое вмешательство в строительство. Но он пришел в ярость и хотел зарубить дочь мечом. Спасаясь от отцовского гнева, Варвара бежала в горы, где перед ней открылась пещера. Диоскор долго искал дочь, пока не встретил пастухов, указавших, где ее найти.

святая варвара

Мученичество

Отец не пощадил Варвару: бил и морил ее голодом. Затем отдал на суд правителю Илиополя. Судья долго и безуспешно уговаривал святую отказаться от христианской веры. Не добившись ничего, он решил сломить ее дух пытками. Варвару били кнутом, раздирали кожу. Израненную святую бросили в темницу, где мученица стала молиться Господу о помощи. К ней явился Иисус Христос, исцелил раны и утешил ожиданием Царствия Небесного.

На другой день озлобленные палачи повесили Варвару на дерево, рвали тело железными крючками, отрезали часть груди и заставили нагой идти по городу. По просьбе целомудренной мученицы Господь послал ангела прикрыть ее тело белым облаком.

Увидев, что девушка не кается в своих убеждениях, Варваре вынесли смертный приговор. Исполнил его Диоскор, собственноручно отрубив голову дочери.

Канонизация

За перенесенные страдания и проявленную при этом стойкость духа и веру в Спасителя Варвара стала почитаться, как святая, через 300 лет.

икона святая варвара

Иконография

На иконах великомученица изображается в полный рост или по пояс, в богатых одеждах. В руках она держит или крест, или свиток, или портир, или меч. Но общее впечатление от прекрасного лика святой остается неизменным: целеустремленная и стойкая вера, твердость духа.

Значение покровительницы в православии

Св. Варвара считается защитницей людей опасных профессий: горняков, альпинистов, пожарных, спасателей. С древних времен великомученицу почитали своей покровительницей артиллеристы. Дата образования Ракетных войск стратегического назначения (17 декабря) совпала с днем памяти великомученицы. С 1995 года она считается их небесной покровительницей.

О чем можно просить мученицу

По православной традиции, каждый святой назначается ответственным за какую-то часть земной жизни, являясь защитником от напастей. Образу страдалицы молятся во избежание угрозы жизни, чтобы не умереть без исповеди и святого причастия.

святая варвара

Избавлении от внезапной смерти

Святая Варвара во время своих страданий молила Господа, чтобы каждый человек, обратившийся к ней с молитвенной просьбой, был избавлен от внезапной смерти.

Помогает от насильственной смерти

Просят великомученицу оградить от убийц и бандитов, угрожающих жизни.

Неожиданных катаклизмов и бедствий

Защиту ждут от святой Варвары от природных и техногенных бедствий.

Трудноизлечимых недугов

О поправке тяжелобольных молятся Варваре их родные и близкие люди.

Именины по православному календарю

17 декабря православные вспоминают о великомученице Варваре, погибшей от рук язычников в начале IV века от Р. Х.

святая варвара

Мощи

В VI веке нетленные остатки святой были перенесены в Константинополь. В XII веке дочь византийского императора вступила в брак с киевским князем Святополком (крещенное имя Михаил). Она привезла часть мощей в Киев, где они хранились в Михайловском Златоверхом мужском монастыре.

В настоящее время они находятся во Владимирском соборе. Кроме Украины, мощи пребывают в России, Канаде, Греции, Польше, Грузии.

Тексты

Содержание молитвенного обращения и прославления святой Варвары.

Молитва

Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог, Отец Небесный, Иже тебе, веры ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, Ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки утварьми дражайшими, потщалася еси украсити: да тако, яко жена, верна главе своей — мужу, Христу духом и телом соединишися неразлучно, глаголющи: «Обретох, Егоже возлюби душа моя, удержах Его и не оставих Его».

Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: «Троицу чту, Едино Божество». Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию, Туюжде Святую Троицу почитаю. Имам светильник веры, но празден благих дел елеа; ты, мудрая дево, страдальческую плоть твою, крове исполненную и ранами преливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный внити. Пресельник аз есмь на земли и пришлец, якоже вси отцы мои; благ вечных наследнице и блаженныя вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий; яко да благодатию Божественных Тела и Крове Тайн укреплен, преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.

руки человека

Тропарь

Глас 8

Варва́ру святу́ю почти́м:/ вра́жия бо се́ти сокруши́/ и я́ко пти́ца изба́вися от них,// по́мощию и оружием Креста́, всечестна́я.

Кондак

Глас 4

В Тро́ице благоче́стно пева́емому/ после́довавши Бо́гу, страстоте́рпице,/ и́дольская притупи́ла еси́ чти́лища,/ посреде́ же по́двига страда́льчествующи, Варва́ро,/ мучи́телей преще́ния не устраши́лася еси́, мужему́дренная,/ велегла́сно пою́щи при́сно:// Тро́ицу чту, еди́но Божество́.

Величание:

Величаем тя, страстотерпице Христова Варваро, и чтим честное страдание твое, еже за Христа претерпела еси.

Акафист

Конда́к 1

Избра́нной Бо́гом от идолослужи́тельнаго ро́да и призва́нной во язы́к свя́т, в лю́ди обновле́ния, неве́сте Христо́ве, я́ко избавля́ющиися тобо́ю от разли́чных зо́л и обстоя́ния, благода́рственная пе́ния и хвале́ния воспису́ем ти́, моли́твенницы твои́, свята́я и всехва́льная великому́ченице: ты́ же, иму́щи дерзнове́ние ко Го́споду, от вся́ких на́с бе́д свободи́, да с ра́достию зове́м ти́:
Ра́дуйся, Варва́ро, неве́сто Христо́ва прекра́сная.

святая икона

И́кос 1

А́нгелов честну́ю и вселюбе́зную чистоту́ непоро́чно сохра́нши, честна́я Варва́ро, а́нгелом сожи́тельница бы́ти сподо́билася еси́, с ни́миже егда́ пое́ши тро́ическую пе́снь Бо́гу на небеси́, услы́ши на́с, пою́щих тебе́ на земли́ похва́льная пе́ния сия́:

Ра́дуйся, отрокови́це, Бо́гом Отце́м предуста́вленная бы́ти сообра́зна в страда́нии о́бразу Сы́на Его́; ра́дуйся, Сы́ном Бо́жиим, Све́том от Све́та, призва́нная из тмы́ в чу́дный све́т ве́ры и благода́ти Его́.
Ра́дуйся, я́ко позва́вшему тя́ Свято́му Ду́ху, и сама́ те́лом и ду́хом свята́ еси́; ра́дуйся, я́ко от скве́рны пло́ти и ду́ха непоро́чну тя́ соблюла́ еси́.

Ра́дуйся, рожде́нному от Де́вы Жениху́ Христу́ де́ву тя́ чи́стую обручи́вшая; ра́дуйся, земна́го обру́чника па́че Небе́снаго зна́ти не восхоте́вшая.

Ра́дуйся, кри́не де́вства, посреде́ те́рния и́дольскаго прора́стший до́ле; ра́дуйся, цве́те чистоты́, в неувяда́емой сла́ве цвету́щий горе́.

Ра́дуйся, в небе́сном вертогра́де Христо́ва благоуха́ния наслажда́ющаяся; ра́дуйся, Красне́йшаго па́че сыно́в челове́ческих зре́нием та́мо утеша́ющаяся.

Ра́дуйся, убели́вшая ри́зы твоя́ в Кро́ви А́гнчей на земли́; ра́дуйся, в ли́це де́вственном после́дующая Бо́жиему А́гнцу на небеси́.

Ра́дуйся, Варва́ро, неве́сто Христо́ва прекра́сная.

Конда́к 2

Ви́дящи свята́я Варва́ра себе́ на высо́ком столпе́ от отца́ поста́влену, помышля́ше себе́ ма́нием Бо́жиим к небеси́ бы́ти возводи́му. Разу́мная у́бо восхожде́ния в се́рдце свое́м поло́жши, те́ми от тмы́ ко Све́ту и от преле́стных и́долов ко И́стинному Бо́гу у́мне восхожда́ше, пою́щи Ему́: Аллилу́иа.

святая книга

И́кос 2

Ра́зум неуразуме́нный о Еди́ном всея́ тва́ри Творце́ разуме́ти де́ва свята́я Варва́ра и́щущи, бесе́доваше со свои́м си́ ра́зумом, глаго́ля: от те́мных куми́ров чу́дным свети́лам небе́сным ка́ко бе́ созда́тися мо́щно, рцы́ ми́? К не́йже о́н со псало́мником рече́: вси́ Бо́зи язы́к бе́сове, Еди́н же е́сть Бо́г и Госпо́дь, И́же небеса́ и вся́ свети́ла и́х сотвори́. Таково́му твоему́, му́драя де́во, ра́зуму дивя́щеся, глаго́лем:

Ра́дуйся, па́че ста́рец идолослужи́тельных разу́мнейшая; ра́дуйся, па́че мудреце́в ми́ра сего́ мудре́йшая.

Ра́дуйся, я́ко тебе́ безве́стная и та́йная прему́дрости Своея́ Бо́г яви́л е́сть; ра́дуйся, я́ко тебе́ и́стиннаго богосло́вия Са́м Бо́г Сло́во научи́л е́сть.

Ра́дуйся, все́х звездоче́тцев умо́м Христо́вым превозше́дшая; ра́дуйся, я́вственнее па́че о́нех небе́сный кру́г прозре́вшая.

Ра́дуйся, я́ко в тва́ри, а́ки в зерца́ле, Самаго́ Творца́ усмотре́ла еси́; ра́дуйся, я́ко в созда́нных свети́лах Несозда́нный Све́т узре́ла еси́.

Ра́дуйся, ны́не уже́ кроме́ зерца́ла све́т лица́ Бо́жия на небеси́ зря́щая; ра́дуйся, те́м све́том неизрече́нно веселя́щаяся.

Ра́дуйся, у́мная звездо́, ея́же озаре́нием лице́ Бо́жие, я́ко со́лнце, све́тло на́м явля́ется; ра́дуйся, мы́сленная луно́, е́юже но́щь заблужде́ния я́ко де́нь просвеща́ется.

Ра́дуйся, Варва́ро, неве́сто Христо́ва прекра́сная.

Конда́к 3

Си́ла Вы́шняго даде́ тогда́ святе́й Варва́ре, я́коже дре́вле проро́ку Иезеки́илю, лице́ адама́нтово, си́льно пред все́ми идолослужи́тельми, во е́же не убоя́тися е́й от зве́рскаго лица́ и́х, ни ужаса́тися лю́таго преще́ния. Те́мже со дерзнове́нием мужему́дренная де́ва взыва́ше: Тро́ицу чту́, Еди́но Божество́, и То́й ве́рою покланя́ющися, велегла́сно пою́: Аллилу́иа.

И́кос 3

Иму́щи свята́я Варва́ра свы́ше да́нную себе́ му́дрость, востече́ к де́лателем ба́ни оте́ческия, и о́нем проявля́я та́йну Святы́я Тро́ицы, повеле́ три́ о́кна в ба́не устро́ити. А́ще, — рече́, — идолослужи́телие уста́ и́мут и не глаго́лют сла́вы и́стиннаго Бо́га, то ка́менныя в се́й ба́не сте́ны треми́ о́кнами, а́ки треми́ устна́ми, да свиде́тельствуют, я́ко Еди́н е́сть Бо́г, в Тро́ице Святе́й от всея́ тва́ри сла́вимый и покланя́емый. За таково́е у́бо мудрова́ние, свята́я Варва́ро, приими́ похвалу́ сию́:

Ра́дуйся, в трео́конной ба́не купе́ль свята́го креще́ния, во и́мя Тро́ицы Пресвяты́я, изобрази́вшая; ра́дуйся, в купе́ли воды́ и Ду́ха, к си́м же и кро́ве твоея́ му́ченическия, тебе́ измы́вшая.

Ра́дуйся, я́ко треми́ о́кнами тму́ многобо́жия, Тро́ице Святе́й проти́внаго, прогна́ла еси́; ра́дуйся, я́ко о́кнами треми́ Све́т Тро́ический я́сно узре́ла еси́.

Ра́дуйся, я́ко те́ми треми́ о́кнами призре́ на тя́ Со́лнце Пра́вды, тридне́вно возсия́вшее от гро́ба; ра́дуйся, я́ко те́ми тебе́ возсия́ де́нь Тро́ическаго спасе́ния.

Ра́дуйся, се́рдце твое́ Еди́ному в Тро́ице Бо́гу всегда́ отве́рсто име́вшая; ра́дуйся, чу́вства твоя́ пред бра́нию трие́х враго́в: пло́ти, ми́ра и диа́вола, кре́пко заключи́вшая.

Ра́дуйся, я́ко в души́ твое́й три́ мы́сленная о́кна: ве́ры, наде́жды и любве́, устро́ила еси́; ра́дуйся, я́ко те́ми треми́ о́кнами при Тро́ическом Божестве́ треми́ де́ньми воздви́женную Те́ла Христо́ва Це́рковь усмотре́ла еси́.

Ра́дуйся, я́ко тебе́ небеса́ от трие́х иера́рхий а́нгельских отверзо́шася; ра́дуйся, я́ко тебе́ го́рния оби́тели Тро́ическия ра́достно прия́ша.

Ра́дуйся, Варва́ро, неве́сто Христо́ва прекра́сная.

девушка в храме

Конда́к 4

Бу́ря я́рости ве́лия отца́ твоего́, ды́шущаго преще́нием и уби́йством, возшуме́ на хра́м души́ твоея́, свята́я Варва́ро, но того́ не возмо́же поколеба́ти: основа́н бо бе́ на тве́рдом ве́ры Христо́вы ка́мени, на не́мже ты́, му́драя де́во, неподви́жимо стоя́щи, укрепля́ющему тя́ Иису́су Христу́ пе́снь воспева́ла еси́: Аллилу́иа.

И́кос 4

Слы́шав от тебе́, му́дрыя дще́ри, оте́ц тво́й Диоско́р неслы́шанная о Святе́й Тро́ице словеса́, я́ко а́спид глухи́й затка́ у́ши своя́ и по подо́бию змии́ну с жа́лом ядоно́сным устреми́ся со о́стрием меча́ на твое́ уби́йство; но ты́, неве́сто Христо́ва Варва́ро, подража́ющи Жениха́ твоего́ Иису́са, бежа́вшаго от меча́ И́родова, бе́гала еси́ от меча́ Диоско́рова, жела́ющи се́рдце его́ от зве́рския я́рости в любо́вь оте́ческую обрати́ти. Мы́ же разу́мное твое́ бе́гство зва́нии почита́ем си́ми:

Ра́дуйся, блаже́нная, изгна́нная из до́му земна́го пра́вды ра́ди; ра́дуйся, бога́тая в Бо́га, лише́нная оте́ческих бога́тств Христа́ ра́ди.

Ра́дуйся, я́ко твоего́ обнища́ния е́сть Ца́рствие небе́сное; ра́дуйся, я́ко тебе́ угото́вася ве́чных бла́г сокро́вище.

Ра́дуйся, слове́сная а́гнице, от зла́го во́лка мучи́теля к До́брому Па́стырю Христу́ прибе́гшая; ра́дуйся, во дво́р пра́ведных ове́ц Его́, одесну́ю стоя́щих, вше́дшая.

Ра́дуйся, незло́бивая голуби́це, от земна́го вра́на в покро́в небе́снаго Орла́ прелете́вшая; ра́дуйся, в кро́ве крилу́ Его́ до́брый тебе́ покро́в обре́тшая.

Ра́дуйся, Небе́снаго Отца́ дщи́ честна́я, я́ко от земна́го роди́теля с безче́стием на сме́рть гони́ма была́ еси́; ра́дуйся, я́ко от безсме́ртнаго Го́спода Сла́вы в жи́знь ве́чную со сла́вою прия́та еси́.

Ра́дуйся, тоя́жде и на́м жи́зни присножела́ющая хода́таице; ра́дуйся, приле́жная о на́с к Бо́гу моли́твеннице.

Ра́дуйся, Варва́ро, неве́сто Христо́ва прекра́сная.

Конда́к 5

Боготе́чной звезде́ была́ еси́ подо́бна, свята́я великому́ченице Варва́ро: бежа́щи бо пред отце́м твои́м, наставля́ла еси́ того́ та́инственне на пу́ть, веду́щий ко Пра́ведному Со́лнцу, от Де́вы возсия́вшему, Христу́ Бо́гу. Оба́че о́н душе́вныма ослепле́н очи́ма, а́бие и теле́сныма не узре́ тя́ пред собо́ю бежа́щую: ты́ бо сквозе́ ка́менную, тебе́ веле́нием Бо́жиим разступи́вшуюся, го́ру проше́дши, скры́лася еси́ от о́чию его́ в ка́менней пеще́ре, да от среды́ ка́мения, я́ко пти́ца, да́си гла́с Бо́гу, воспева́ющи: Аллилу́иа.

много свеч

И́кос 5

Ви́девше тя́ па́стырие, верху́ горы́ о́вцы пасу́щии, в ка́мени кры́ющуюся, дивля́хуся, глаго́люще: что́ сия́ слове́сная а́гница? Ко́его во́лка бе́гает? И се́ Диоско́р, па́че во́лка люте́йший, востече́ на го́ру, и тебе́ та́мо кры́ющуюся обре́т, и похи́тив за деви́ческия твоя́ власы́, влеча́ше ко своему́ до́му по жесто́кому пути́, на не́мже тя́, ве́рнии, срета́ем приве́тствии си́ми:

Ра́дуйся, младо́му еле́ню на гора́х арома́тских уподо́бившаяся; ра́дуйся, го́рняя, па́че до́льних, восхожде́ния в се́рдце твое́м полага́ющи, возлюби́вшая.
Ра́дуйся, избы́вшая поги́бельнаго идолослуже́ния ро́ва; ра́дуйся, на го́ру Тро́ическаго поклоне́ния восте́кшая.

Ра́дуйся, сквозе́ ка́мение проше́дшая, от каменносе́рдаго бе́гающи гоне́ния; ра́дуйся, среде́ ка́мения Ка́мень Христа́, утвержда́ющаго тя́, обре́тшая.

Ра́дуйся, в пеще́ру ка́менную вше́дшая, ви́дети Иису́са во гро́бе ка́менном бы́вша положе́нна; ра́дуйся, уже́ Того́ ви́дящая на престо́ле Сла́вы седя́ща.

Ра́дуйся, я́ко власы́ главы́ твоея́ за Христа́, храня́щаго, да и вла́с главы́ челове́ческия не поги́бнет, исто́ргани су́ть на земли́; ра́дуйся, я́ко ти́и от Христа́ изочте́ни су́ть ко увенча́нию на небеси́.

Ра́дуйся, власы́ твоя́ кро́вию до́ле, я́ко цвета́ми, обагри́вшая; ра́дуйся, заплете́ние власо́в твои́х окровавле́нных в вене́ц тебе́ златы́й обрати́вшая.

Ра́дуйся, Варва́ро, неве́сто Христо́ва прекра́сная.

Конда́к 6

Пропове́дником богоно́сным, апо́столом Христо́вым, поревнова́вши дерзнове́нно, пред лице́м мучи́телей пропове́дала еси́ Христа́ И́стиннаго Бо́га: и Его́ ра́ди лю́тыя ра́ны, власяны́ми ру́бы и о́стрым чре́пием боле́зненно потира́емыя, му́жественно претерпе́ла еси́, свята́я Варва́ро. Та́же в темни́цу всажде́на, в не́й а́ки в черто́зе о Христе́ Иису́се ликова́ла еси́, пою́щи Ему́: Аллилу́иа.

И́кос 6

Возсия́вый в се́рдце твое́м просвеще́ние и́стиннаго богоразу́мия, возсия́ и во очесе́х твои́х све́т Боже́ственнаго лица́ Своего́ Христо́с Госпо́дь: То́й бо, я́ко возлю́бленный тво́й Жени́х, в полу́нощи к тебе́, непоро́чней Свое́й неве́сте, в темни́цу прише́д, любе́зно тя́ посети́, от ра́н исцели́ и све́тлостию лица́ Своего́ неизрече́нно ду́шу твою́ возвесели́, на́с же, ве́рных, научи́ пе́ти тебе́ сицева́я:
Ра́дуйся, за страда́вшаго бие́ние Христа́ неща́дно бие́нная; ра́дуйся, бие́ния терпе́нием неви́димаго врага́ уби́вшая.

Ра́дуйся, я́звы Го́спода Твоего́ на те́ле твое́м носи́вшая; ра́дуйся, от все́х я́зв, Те́мжде Го́сподем, на те́ле твое́м исцеле́вшая.

Ра́дуйся, я́ко Са́м Госпо́дь, Све́т ми́ра, тебе́ в темни́це бы́вшей Себе́ яви́л е́сть; ра́дуйся, я́ко Са́м души́ и те́ла Вра́ч тебе́ больну́ю посети́л е́сть.

Ра́дуйся, чрез земну́ю темни́цу в небе́сный черто́г све́тло вше́дшая; ра́дуйся, от крове́й твои́х бра́чную тебе́ оде́жду истка́вшая.

Ра́дуйся, я́ко тобо́ю от мно́гих ра́н гре́шнии исцеля́ются; ра́дуйся, я́ко тобо́ю от все́х боле́зней с ве́рою тя́ призыва́ющии уздравля́ются.

Ра́дуйся, у́з грехо́вных ско́рая реши́тельнице; ра́дуйся, я́зв многозло́бных до́брая целе́бнице.

Ра́дуйся, Варва́ро, неве́сто Христо́ва прекра́сная.

храм и девушка

Конда́к 7

Хотя́щу безу́мному мучи́телю жела́ние свое́ улучи́ти, и еще́ покуша́ющемуся ласка́тельными словесы́ тебе́, свята́я Варва́ро, от И́стиннаго Бо́га отврати́ти ко преле́стным и́долом, ты́, я́ко му́драя де́ва, отвеща́ла еси́ тому́: пе́рвее тве́рдый адама́нт в мя́гкий во́ск претвори́ши, не́жели мене́ отврати́ши от Христа́ Бо́га моего́; Того́ бо, со Отце́м и Святы́м Ду́хом, Еди́наго И́стиннаго Бо́га испове́дую, сла́влю, хвалю́, и пою́ Ему́: Аллилу́иа.

И́кос 7

Но́вую показа́ безчелове́чия я́рость зверообра́зный мучи́тель, егда́ тебе́, свята́я великому́ченице Варва́ро, повеле́ на дре́ве пове́сити, и ногтьми́ желе́зными те́ло твое́ строга́ти, и свеща́ми горя́щими твоя́ опаля́ти ре́бра, еще́ же и мла́том во главу́ тя́жко би́ти. Сие́ пачеесте́ственное терпе́ние твое́ благогове́йно воспомина́юще, похвала́ми блажи́м тя́ си́ми:

Ра́дуйся, я́ко пове́шена была́ еси́ на дре́ве, Христа́ ра́ди на Кресте́ распя́таго; ра́дуйся, стро́гана по ре́бром Иису́са ра́ди, копие́м в ре́бра прободе́ннаго.

Ра́дуйся, я́ко о́гнь любве́ к Бо́гу в се́рдце твое́м возжегла́ еси́; ра́дуйся, я́ко за Того́ о́гненными свеща́ми пали́ма была́ еси́.

Ра́дуйся, тверде́йшая адама́нта в терпе́нии невреди́мом; ра́дуйся, крепча́йшая ка́меннаго столпа́ в му́жестве непоколеби́мом.

Ра́дуйся, я́ко мла́том, би́вшим тя́ по главе́, вене́ц Ца́рствия тебе́ искова́ся; ра́дуйся, я́ко те́мже мла́том глава́ врага́ твоего́ сокруши́ся.

Ра́дуйся, я́ко со Христо́м, Его́ ра́ди, на земли́ страда́ла еси́; ра́дуйся, я́ко с Ни́м и о Не́м на небеси́ прославля́ешися.

Ра́дуйся, все́х враго́в на́ших кре́пкая победи́тельнице; ра́дуйся, во все́х беда́х на́ших ско́рая помо́щнице.

Ра́дуйся, Варва́ро, неве́сто Христо́ва прекра́сная.

Конда́к 8

Стра́нное и стра́шное святы́я Варва́ры страда́ние ви́дящи, благове́рная в жена́х Иулиани́я удиви́ся зело́, ка́ко млада́ отрокови́ца в ю́ностнем телеси́ таковы́я му́жественно за Христа́ терпи́т му́ки? Та́же, сле́знаго испо́лнившися умиле́ния, благода́рственно и та́ возопи́ Христу́ Бо́гу: Аллилу́иа.

девушка и свет

И́кос 8

Ве́сь Сладча́йший Иису́с сла́дость, ве́сь жела́ние тебе́ бы́сть, свята́я Варва́ро; сла́дце бо Его́ ра́ди го́рькия терпе́ла еси́ му́ки, глаго́лющи: ча́шу страда́ний, ю́же даде́ ми́ Возлю́бленный мо́й Жени́х, не и́мам ли пи́ти? Те́мже и сама́ показа́лася еси́ ча́ша, сла́дость чуде́сных исцеле́ний излива́ющая все́м вопию́щим к тебе́ сицева́я:

Ра́дуйся, отве́ргшая во а́дское го́ре и́дольскую го́ресть; ра́дуйся, возлюби́вшая небе́сную Иису́сову сла́дость.

Ра́дуйся, мы́сленная ста́мно, ма́нну бра́шна творе́ния во́ли Бо́жия в себе́ иму́щая; ра́дуйся, ве́рных во благи́х жела́ние исполня́ющая.

Ра́дуйся, реко́ испо́лненная благода́ти Бо́жия вода́ми; ра́дуйся, исто́чниче, кипя́щий чуде́с излия́нии.

Ра́дуйся, я́ко пчела́, от злово́ннаго и́дольских же́ртв ды́ма отлете́вшая; ра́дуйся, во благоуха́нную ми́ра Христо́ва воню́ сла́дце прите́кшая.

Ра́дуйся, я́ко твои́ми во все́м те́ле я́звами была́ еси́ подо́бна со́ту; ра́дуйся, я́ко кро́ве твоея́ ка́пли сладча́йшия па́че ме́да бы́ша Пресла́дкому Иису́су.

Ра́дуйся, я́ко все́м ве́рным воспомина́ние твое́ пресла́дко; ра́дуйся, я́ко все́й Це́ркви Христо́вой и́мя твое́ прече́стно.

Ра́дуйся, Варва́ро, неве́сто Христо́ва прекра́сная.

Конда́к 9

Все́ естество́ а́нгельское ве́лиею возра́довася ра́достию, узре́вши му́жественную кре́пость твою́, свята́я и непобеди́мая му́ченице Варва́ро: ви́девше бо а́нгельстии чи́нове ве́тхаго врага́, прего́рдаго кня́зя тмы́, со все́м его́ бесо́вским и и́дольским по́лчищем от тебе́, еди́ныя млады́я де́вы, посра́мленнаго, побежде́ннаго же и под но́зе твои́ пове́рженнаго, ве́лиим гла́сом возопи́ша Бо́гу: Аллилу́иа.

И́кос 9

Вети́и многовеща́ннии ри́торскими свои́ми язы́ки не возмо́гут изрещи́ вели́чества твои́х боле́зненных страда́ний, о Варва́ро! Кто́ бо ска́жет боле́знь твою́, коли́ка бе́, егда́ сосца́ твоя́ уре́зана бы́ша? Кто́ изрече́т сту́д лица́ деви́ческаго, егда́ обнаже́на по всему́ гра́ду от беззако́нных мучи́телей води́ма была́ еси́? Сицеву́ю боле́знь и безче́стие твое́ мы́ то́чию воспомяну́вше, содрога́емся и со умиле́нием глаго́лем си́це:

Ра́дуйся, до́брая ле́торасле са́да Иису́сова; ра́дуйся, и́стинная лозо́ виногра́да Христо́ва.
Ра́дуйся, два́ сосца́ твоя́ отре́занная, а́ки два́ гре́зна в че́сть Го́сподеви твоему́ прине́сшая; ра́дуйся, кро́вь твою́, а́ки вино́ умиле́ния, от те́х источи́вшая.

Ра́дуйся, я́ко Христа́ ра́ди обнаже́ннаго и ты́ ри́з твои́х совлече́на была́ еси́; ра́дуйся, я́ко Его́ ра́ди, во Иерусали́ме руга́тельне води́маго, и ты́ по гра́ду на поруга́ние води́ма была́ еси́.

Ра́дуйся, от а́нгела све́тлою оде́ждою в наготе́ твое́й оде́янная; ра́дуйся, то́ю от сту́дных оче́с неви́димо покрове́нная.

Ра́дуйся, чу́дный а́нгелом и челове́ком позо́р бы́вшая; ра́дуйся, и саме́х мучи́телей терпе́нием твои́м удиви́вшая.

Ра́дуйся, я́ко Са́м Госпо́дь свы́ше призре́ на твоя́ страда́ния; ра́дуйся, я́ко Са́м То́й Подвигополо́жник похвали́ по́двиги твоя́.

Ра́дуйся, Варва́ро, неве́сто Христо́ва прекра́сная.

мужчина в храме

Конда́к 10

Спасти́ хотя́ ду́шу твою́, о те́ле твое́м вся́чески неради́ла еси́, свята́я Варва́ро: егда́ бо на тя́ ме́чное на сме́рть осужде́ние изы́де, ты́ под ме́чь о́стрый, а́ки под вене́ц, кра́сный, ра́достно иду́щи, Бо́гу, в му́ченическом по́двизе тебе́ укрепля́ющему, воспева́ла еси́ пе́снь: Аллилу́иа.

И́кос 10

Стены́ ка́менныя тве́рдее окамене́нный се́рдцем бы́сть Диоско́р, тво́й, свята́я Варва́ро, не уже́ роди́тель, но лю́тый мучи́тель: то́й бо, я́ко услы́ша твое́ ме́чное на сме́рть осужде́ние, не то́чию о сме́рти твое́й не поболе́, но и са́м свои́м мече́м на ме́сте осужде́ния твою́ святу́ю усече́ главу́, и та́ко, по предрече́нию Госпо́дню, окая́нный оте́ц предаде́ на сме́рть свое́ ча́до. В то́й у́бо блаже́нней твое́й кончи́не приими́ от на́с пе́ния сия́:

Ра́дуйся, за главу́ Це́ркве — Христа́ под ме́чь главу́ твою́ прекло́ншая; ра́дуйся, за любо́вь к небе́сному человеколюби́вому Отцу́ Безсме́ртному на сме́рть от земна́го безчелове́чнаго отца́ тле́ннаго пре́данная.

Ра́дуйся, тече́ние му́ченическаго пути́ сконча́вшая до́бре; ра́дуйся, ве́ру безсме́ртному Обру́чнику Христу́ до сме́рти сохра́ншая бо́дре.

Ра́дуйся, си́лою свы́ше на бра́нь проти́ву си́л преиспо́дних препоя́санная; ра́дуйся, победоно́сною сла́вою в вы́шних от Христа́ Победи́теля оде́янная.

Ра́дуйся, ору́жием благоволе́ния Бо́жия венча́нная на земли́; ра́дуйся, цве́том нетле́ния украше́нная на небеси́.

Ра́дуйся, де́вам добро́то и похвале́ние; ра́дуйся, му́чеником красото́ и ра́дование.

Ра́дуйся, христиа́ном кре́пкое прибе́жище; ра́дуйся, ве́рным тве́рдое заступле́ние.

Ра́дуйся, Варва́ро, неве́сто Христо́ва прекра́сная.

Конда́к 11

Пе́ние на́ше похва́льное, а́ще бы и тмочи́сленное, ве́мы, я́ко не́сть дово́льно по достоя́нию восхвали́ти тя́, свята́я и всехва́льная му́ченице Варва́ро; оба́че мы́, Бо́жиих тобо́ю на́м оби́льно подава́емых дарова́ний благода́рни су́ще, Бо́гу, в тебе́ Свои́ми благодея́нии прославля́емому, благода́рственными усты́ пое́м: Аллилу́иа.

девушка в храме

И́кос 11

Светоприе́мную свещу́, на небе́сном све́щнице пред престо́лом Святы́я Тро́ицы поста́вленную, зри́м у́мныма очи́ма тебе́, свята́я де́во Варва́ро: отону́дуже, егда́ нощны́й грехо́в на́ших мра́к луча́ми моли́тв твои́х просвеща́еши и на́с на све́тлую спасе́ния стезю́ наставля́еши, по до́лгу досто́йна еси́ от на́с зва́нием бы́ти почита́ема си́м:

Ра́дуйся, светоу́мная луче́, во све́тлость немерца́ющую прилуче́нная; ра́дуйся, мы́сленная денни́це, де́нь невече́рний озаря́ти возше́дшая.

Ра́дуйся, благово́нная сми́рно, Це́рковь Христо́ву благоуха́ющая; ра́дуйся, злата́я кади́льнице, фимиа́м моли́твы о на́с к Бо́гу принося́щая.

Ра́дуйся, мирополо́жнице исцеле́ний неоску́дная; ра́дуйся, сокро́вище Бо́жиих даро́в неиждиви́тельное.

Ра́дуйся, ча́ше, от оби́лия до́му Бо́жия че́рплющая ра́дость; ра́дуйся, сосу́де, от исполне́ния Христо́ва прие́млющий все́х бла́г небе́сных сла́дость.

Ра́дуйся, адама́нте, пе́рстень безсме́ртнаго со Христо́м обруче́ния украси́вый; ра́дуйся, ве́нче добро́ты, в руце́ Госпо́дней держи́мый.

Ра́дуйся, я́ко на тя́ Ца́рь Сла́вы, Госпо́дь си́л, сла́ву и велеле́пие возложи́л е́сть; ра́дуйся, я́ко тебе́ Ца́рь ца́рствующих и Госпо́дь госпо́дствующих Ца́рство Свое́ и госпо́дствие дарова́л е́сть.

Ра́дуйся, Варва́ро, неве́сто Христо́ва прекра́сная.

Конда́к 12

Благода́ть от Бо́га дана́ ти́ е́сть, храни́ти и соблюда́ти от внеза́пныя боле́зни и на́глыя сме́рти вся́каго челове́ка, ве́рою, любо́вию и благогове́нием честна́я твоя́ страда́ния воспомина́ющаго и почита́ющаго; тоя́ благода́ти не лиши́ и на́с, до́брая де́во Варва́ро, да и мы́, здра́ви су́ще те́лом и ду́хом в ны́нешней и бу́дущей жи́зни о тебе́ пое́м Бо́гу: Аллилу́иа.

книга и свеча

И́кос 12

Пое́м твоя́ кре́пкия по́двиги, почита́ем страда́ния, хва́лим долготерпе́ние, ублажа́ем святу́ю твою́ кончи́ну, сла́вим твое́ в немощно́м те́ле показа́вшееся непобеди́мое му́жество, и́мже на земли́ и на небеси́ просла́вилася еси́, свята́я и добропобе́дная великому́ченице Варва́ро, и в че́сть твои́х победоно́сных по́двигов и страда́ний похва́льная воспису́ем ти́ сия́:

Ра́дуйся, от а́нгельских чино́в в сожи́тельство и́х любе́зно прия́тая; ра́дуйся, от де́вственных лико́в в черто́г небе́сный ра́достно введе́нная.

Ра́дуйся, от му́ченических полко́в под вене́ц сла́вы провожда́емая во гла́се ра́дования; ра́дуйся, от все́х жи́телей небе́сных прие́мшая о Го́споде целова́ние.

Ра́дуйся, я́ко мзда́ твоя́ мно́га е́сть на небесе́х; ра́дуйся я́ко ра́дость твоя́ ве́чна е́сть во све́тлости святы́х.

Ра́дуйся, от вра́г ви́димых и неви́димых кре́пкая на́м засту́пнице; ра́дуйся, ра́дости на́м, благода́ти же и сла́вы ве́чныя хода́таице.

Ра́дуйся, душе́вных и теле́сных неду́гов на́ших цели́тельнице; ра́дуйся, спаси́тельных бла́г земны́х и небе́сных пода́тельнице.

Ра́дуйся, я́ко тобо́ю от неча́янныя и ве́чныя сме́рти сохране́ни бы́ти упова́ем; ра́дуйся, я́ко тобо́ю ве́чную жи́знь улучи́ти благонаде́жно ча́ем.

Ра́дуйся, Варва́ро, неве́сто Христо́ва прекра́сная.

Конда́к 13

О, многострада́льная и всехва́льная свята́я великому́ченице Варва́ро! Ны́нешнее на́ше моле́ние прие́мши, от вся́ких боле́зней душе́вных и теле́сных, и вра́г ви́димых и неви́димых на́с изба́ви, и от ве́чнаго муче́ния твои́м богоприя́тным хода́тайством сохрани́, да с тобо́ю на земли́ живы́х во ве́ки пое́м Бо́гу: Аллилу́иа.

Этот конда́к читается трижды, затем 1-й и конда́к 1-й.

руки и свет

Канон

Глас 8

Пе́снь 1

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Припев: Свята́я великому́ченице Варва́ро, моли́ Бо́га о на́с.

Во́ду нече́стия тиме́нну оста́вивши, к воде́ чисти́тельной притекла́ еси́,

Варва́ро, и на́ша очи́сти сердца́, чи́сто пе́ти твоя́ страда́ния.

Водо́ю креще́ния очи́стившися, великому́ченице, чи́стому Жениху́, Христу́, прилепи́лася еси́, Ему́же и на́с чи́сто присво́й, моли́твами твои́ми.

Сла́ва: В воде́ пото́пльшему зми́я лука́ваго подо́бящися, кро́вию твое́ю страда́льческою вра́жию погрузи́ла еси́ си́лу, страстоно́сице, от него́же и на́м изба́витися Спа́са умоли́.

И ны́не: Во́ду сле́з очища́ющую, Пречи́стая, пода́ждь ми́ и, очи́стивши мя́ от ка́ла беззако́ний, чи́ста предста́ви, Богороди́тельнице, Сы́ну Твоему́ и Бо́гу.

Пе́снь 3

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.
Небе́снаго кру́га смотря́ющи украше́ние, му́драя де́во Варва́ро, Верхотво́рца позна́ла еси́, Его́же и возлю́бльши, Тому́ служи́ти изво́лила еси́; и на́с в любви́ Его́ утверди́, мо́лимся.

Небе́снаго Творца́ в Тро́ице пресве́тлое изобразу́ющи естество́, три́ о́кна в ба́не оте́честей изобрази́ти повеле́ла еси́, Тро́ическому покланя́тися уча́щи Божеству́, Ему́же и на́с ве́чно покланя́тися сподо́би.

Сла́ва: Небе́снаго черто́га жела́ющи, небе́сному Жениху́ чистоту́ де́вства твоего́ соблюла́ еси́, вре́меннаго презре́вши; и мене́ в чистоте́ Тому́ служи́ти, му́ченице, укрепи́.

И ны́не: Небе́снаго Творца́, Богоро́дице Всепе́тая, поро́ждши, небе́с простра́ннейша яви́лася еси́; мене́ от простра́ннаго пути́ поги́бельна укло́нши, на небе́сный пу́ть наста́ви, молю́ся.

книга и руки

Седа́лен, гла́с 3

В страда́нии твое́м вся́ удиви́ла еси́, я́ко претерпе́вши мучи́телей ра́ны, вяза́ния, му́ки и темни́цы, Варва́ро прехва́льная. Те́мже и вене́ц с небесе́ тебе́ даде́ Христо́с, к Нему́же, возжеле́вши усе́рдно, притекла́ еси́; То́й благода́ть подаде́ тебе́, му́ченице, врачева́ния источа́ти челове́ком.

Сла́ва, и ны́не: Боже́ственная ски́ния была́ еси́, Сло́ва, еди́на Пречи́стая Ма́ти Де́во, чистото́ю а́нгелы превозше́дшая; па́че все́х мене́, пе́рсть бы́вша, оскверне́на плотски́ми прегреше́ньми, очи́сти моли́тв Твои́х Боже́ственными вода́ми, подаю́щи, Чи́стая, ве́лию ми́лость.

Пе́снь 4

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́.

Услы́шавши, Варва́ро, небеса́, пове́дающа сла́ву Бо́жию, на земли́ Бо́га сла́вити возжела́ла еси́, Его́же сла́вы и на́с сподо́би.

Услы́шав оте́ц тво́й тебе́, Вы́шняго Отца́ испове́дующу, гоня́ше на убие́ние, но не возмо́же отто́ргнути от и́стиннаго Бо́га.

Сла́ва: Услы́шавши преще́ния оте́ческая и му́ки от него́ терпя́щи, Варва́ро, непоколеби́ма пребыла́ еси́, и мене́ непоколеби́ма в доброде́телех упра́ви.

И ны́не: Услы́ши, Пречи́стая Влады́чице, моле́ние мое́, и изба́ви мя́ от зо́л, и гла́с благослове́нных, призыва́ющий в Ца́рство, слы́шати удосто́й.

Пе́снь 5

Ирмо́с: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче.

Просвети́вши свещу́ свою́, му́ченице, ве́рою, свеща́ми опали́ти те́ло твое́ предала́ еси́, в черто́г небе́сный све́тло вни́ти жела́ющи.

Просвеща́хуся ве́рою неве́рием омраче́ннии лю́дие, ви́дяще тя́, жже́ния, бие́ния, ре́зания терпя́щую до́блественне, му́ченице.

Сла́ва: Просвети́ мя́, о Варва́ро, омраче́ннаго мгло́ю грехо́вною, и све́том невече́рним осиява́тися, све́тлая де́во, молю́ся, сотвори́.

И ны́не: Просвети́ла еси́ потемне́нное естество́, Богоро́дице, Све́т и́стинный ро́ждши; те́мже и мене́, све́том просвети́вши, от мра́чных вра́г свободи́.

руки и свеча

Пе́снь 6

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя.

Моли́тву твою́ страда́льческую услы́шав, Христо́с, Варва́ро, в темни́це затворе́нную посети́, исцеле́ние от ра́н подаде́ и на по́двиг укрепи́; ты́ же моя́ ра́ны грехо́вныя уврачу́й, му́ченице, молю́ся.

Моли́твою ти́, и страда́льческим тве́рдым терпе́нием, и чу́дным исцеле́нием Иулиани́ю от злоче́стия привлекла́ еси́ страда́ти с тобо́ю за Христа́, привлецы́ и мене́ к го́рнему мудрова́нию, страстоно́сице.

Сла́ва: Моли́тву вся́к принося́й с ве́рою тебе́, му́ченице, и к моща́м твои́м святы́м притека́яй, душе́вных страсте́й и теле́сных исцеле́ние ско́ро прие́млет, е́же и на́м бога́тно подава́й, мо́лимся.

И ны́не: Моли́тву на́шу приими́, Пречи́стая, и моли́твою Ти́ всемо́щною, изба́вити на́с от вра́г ви́димых и неви́димых, от грехо́в же и вся́кия му́ки, моли́, Его́же родила́ еси́, Человеколю́бца Бо́га.

Конда́к, гла́с 4

В Тро́ице благоче́стно пева́емому, после́довавши Бо́гу, страстоте́рпице, и́дольская притупи́ла еси́ чти́лища; посреде́ же по́двига страда́льчествующи, Варва́ро, мучи́телей преще́ния не устраши́лася еси́, мужему́дренная, велегла́сно пою́щи при́сно: Тро́ицу чту́, еди́но Божество́.

И́кос

Уневе́стившуюся Христу́ муче́нием Варва́ру, соше́дшеся, почти́м досто́йно: я́ко да, тоя́ моли́твами па́губы душетле́нныя изба́вльшеся и губи́тельства, тру́са и паде́жа, житие́ в ми́ре препрово́дим, сподо́бившеся со все́ми святы́ми, от ве́ка Бо́гу благоугоди́вшими, ходи́ти во све́те и пе́ти с ни́ми: удиви́л еси́, Спа́се, твоя́ ми́лости все́м челове́ком, ве́рою испове́дающим: Тро́ицу чти́м, еди́но Божество́.

девушка в храме

Пе́снь 7

Ирмо́с: Де́ти евре́йстии в пещи́ попра́ша пла́мень дерзнове́нно и на ро́су о́гнь прело́жше, вопия́ху: благослове́н еси́, Го́споди Бо́же, во ве́ки.

Де́ти евре́йския а́нгел от огня́ неопа́льны сохрани́вый и тебе́, Варва́ро, на́гу води́му, от студа́ защити́, оде́ждою свы́ше обле́к, пою́щую: благослове́н еси́, Го́споди Бо́же, во ве́ки.

Де́тское игра́лище вменя́ющи му́ки, не пощади́ла еси́ те́ла твоего́, е́же бы́ти ему́ за Христа́ стру́жему и о́стро стира́ему, великому́ченице, пою́щи: благослове́н еси́, Го́споди Бо́же, во ве́ки.

Сла́ва: Дете́й евре́йских и а́з подража́я, Варва́ро, хвалю́ Христа́, да́вшаго тебе́ кре́пость; ты́ же мя́, на по́двиг доброде́телей укре́пльши, оде́ждою небе́сною облещи́ся сподо́би во ве́ки.

И ны́не: Деторо́дию Твоему́, Де́вою и по рождестве́ пребы́вшу, дивлю́ся, Богоро́дице; удиви́ у́бо и на мне́ ми́лость Сы́на Твоего́, да, поми́лован Тобо́ю, пою́: благослове́н Бо́г, ублагослови́вый Тя́, Ма́терь Свою́, во ве́ки.

Пе́снь 8

Ирмо́с: Победи́тели мучи́теля и пла́мене благода́тию Твое́ю бы́вше, за́поведем Твои́м зело́ прилежа́ще, о́троцы вопия́ху: благослови́те, вся́ дела́ Госпо́дня, Го́спода.

Победи́телие непобеди́мыя твоея́ ве́ры мучи́теле тща́шеся бы́ти, сосца́ твоя́ неща́дно отре́зоваху, ты́ же, тве́рдо терпя́щи, млеко́м уче́ния о Бо́зе напои́ла еси́ предстоя́щия и благословя́щия Христа́ во ве́ки.

Победи́ла еси́ му́жеством твои́м, му́ченице Варва́ро, вся́ мучи́тельская ухищре́ния. Моли́ у́бо Влады́ку Христа́, мо́лим тя́, все́м ве́рным на враги́ побе́ду да́ти, пою́щим: благослови́те вся́ дела́ Го́спода, и превозноси́те Его́ во ве́ки.
Сла́ва: Победи́тельница суро́ваго отца́ твоего́ яви́лася еси́ му́ченице: о́н бо небе́сным огне́м во а́дский о́гнь низведе́ся, ты́ же на не́бо возшла́ еси́, е́же и мне́ исхода́тайствуй, от огня́ избавля́ющи мя́ во ве́ки.
И ны́не: Победи́, Пречи́стая, враго́в ви́димых и неви́димых, низложи́ти на́с тща́щихся, и страсте́й мя́ вся́ких изба́ви, да пою́ торже́ственне: благослови́те, вся́ дела́, Го́спода и превозноси́те Его́ во ве́ки.

крест и руки

Пе́снь 9

Ирмо́с: Вои́стинну Богоро́дицу, Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще.

Вои́стинну Бо́га испове́дающи, му́ченице, черто́г небе́сный насле́дила еси́, его́же и на́с сподо́би, да с Тобо́ю Христа́ ве́чно велича́ем.

Вои́стинну на тебе́, Варва́ро, испо́лнися Христо́во прорече́ние: преда́ст оте́ц ча́до на сме́рть, е́юже ты́ ве́чный живо́т обрела́ еси́.

Сла́ва: Вои́стинну никто́же притека́яй к тебе́, страстоно́сице, то́щ благода́ти твоея́ отхо́дит, ея́же и мене́ испо́лни, молю́ся.

И ны́не: Вои́стинну и́стиннаго Бо́га пло́тию, Богоро́дице, родила́ еси́, Его́же ми́лостива на́м в де́нь Суда́ соде́лай, да безконе́чно с Ни́м Тя́ велича́ем.

Свети́лен

Я́ко шипо́к красне́йший из терно́внаго израсла́ еси́ ко́рене де́во Варва́ро, твое́ю за Христа́ излия́нною обагри́вшися кро́вию. И ны́не Боже́ственную твою́ па́мять соверша́ющыя любо́вию, спаса́й от бе́д.

Сла́ва, и ны́не: Вои́стинну Тя́ испове́дуем Влады́чице, Тобо́ю спаса́емии: и́бо Бо́га неизрече́нно родила́ еси́ разори́вшаго Кресто́м сме́рть, и к Себе́ привле́кшаго пра́ведных собо́ры, с ни́миже восхваля́ем Тя́ Де́во.

Храмы

В Москве церковь Святой Варвары находится рядом с Красной площадью, входит в комплекс Подворья Московского Патриарха в Зарядье. Храм был возведен в 1514 году и перестроен в стиле классицизма спустя 3 столетия по инициативе митрополита Платона.



В городе Кутна-Гора находится второй по величине в Чехии готический собор в честь Святой Варвары. Начало строительства храма – конец XIV века. На протяжении 5 веков неоднократно реконструировался, перестраивался. Храм Великомученицы Варвары расположен в Одессе. Находится на стадии реконструкции.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
Добавить комментарий