Житие преподобного Антония Великого, икона святого и в чем помогает

У истоков монашеского отшельничества стояли великие люди, которые прославляли и укрепляли православную веру с давних времен. Одной из ключевых фигур был подвижник раннего христианства, которого звали Антонием Великим. Высказывания Антония до сих пор актуальны. Цитаты собраны церковными исследователями, по ним можно понять глубину веры и подивиться мудрости человека, который пожертвовал своей жизнью ради продвижения мировой религии.

Краткое жизнеописание

Жизнь христианина была посвящена идее отшельничества. Это было не просто уединение, а полное отречение от общения и крова ради выполнения особенной миссии.

Происхождение

Антоний был рожден в богатой христианской семье. Его родители умерли, оставив двадцатилетнего юношу с несовершеннолетней сестрой на попечении.



Евангельский призыв

Однажды он услышал слова из Евангелия, которые читали священнослужители местного храма. Они стали основой всей его жизни. Повинуясь невидимому велению, Антоний отрекся от наследства, оставил сестру на милость монахинь и ушел к почтенному старцу, который учил его служить Господу.

Начало пути

Постепенно Антоний обрел самостоятельность. Повинуясь внутреннему призыву, он уединился на территории одной из пещер, расположенных вблизи Фидаской пустыни.

Отшельничество

Вскоре он наполнил пещеру запасами хлеба и полностью прекратил одинокие прогулки за ее пределы. Это стало началом его 20-летнего отшельничества.

Наставничество

За годы отшельничества рядом с пещерой поселились монахи, которые просили совета, а также ждали наставлений. Житие, описанное одним из учеников, утверждает, что одним ясным днем Антоний отворил свою гробницу и сказал, что «готов учить и проповедовать, пока есть у него на то силы».

антоний великий

Чудеса

Знаки сопутствовали отшельнику. На протяжении времени, пока он жил в пустыне, случалось много необычного, свидетелями чего были местные жители или монахи.

Источник в пустыне

Монахи, собратья Антония, путешествовали по пустыне. После урагана они заблудились, израсходовали все запасы воды. Антоний, узнав об этом, встал на колени, начал возносить искренние молитвы. Неожиданно возле умирающих монахов появился источник воды, который позволил им восстановить силы.

Два путника

Однажды он увидел, что к нему по пустыне устремились двое братьев. К тому времени один из них был мертв, а второй изнемогал от жажды. Антоний указал координаты его пребывания, монахи нашли и спасли его.

Исцеление царедворца

Известный царедворец был смертельно болен. Он явился к пещере и просил об исцелении. Оно пришло к нему, когда он возвратился ко дворцу, как и предсказал старец.

антоний великий

Изгнание беса

Рядом с Антонием не могли находиться одержимые дьяволом люди. Однажды бес был изгнан из неопытного юноши при одном прикосновении благочестивого Антония.

Мощи

Христианин не хотел после смерти покоиться в мавзолее, поэтому просил учеников скрывать местонахождение своего тела. Считают, что истинные мощи были найдены в лишь в XX веке, теперь хранятся в одном из храмов французского графства Сент-Антуан-л’Аббеи.

Творения и книги поучений

Отшельник не владел грамотой. Все его высказывания были записаны последователями.

Изречения и наставления

Антоний много говорил о смысле жизни. Его слова отличались простотой и глубиной мысли.

картина антоний великий

Известные цитаты

Известны его высказывания об одиночестве, когда он говорил, что «если человек не смог жить рядом с людьми, то и один он быть не сможет».

Он подчеркивал, что справиться с жизненными ловушками, невзгодами, бедами может только «смиренный» человек.

Высказывания для мирян

Много мудрых слов Антоний адресовал обычным людям. Он хотел, чтобы неверующие обрели веру, смогли прийти к согласию с собой.

Храмы

В честь Антония Великого выстроено немало церквей и монастырей. Основная часть расположена на территории Вологодской и Новгородской области.

В чем помогает преподобный

Св. Антоний зовется преподобным за служение Господу при жизни, за соблюдение аскетических правил, проповедование христианства. К нему обращаются за помощью, когда хотят укрепить веру, познать смирение, обрести гармонию с собой.

икона антоний великий

Тексты

Преподобный стал символом искренней веры, отречения от мирских благ. Ему посвящены восхваления и величания.

Молитва

Самыми распространенными являются тексты, в которых старца просят об укреплении веры. Существует молитва – просьба о защите.

Первая

О великий угодниче Божий, преподобие отче Антоние! Яко имеяй дерзновение ко Владыце Христу и ко Пречистей Его Матери, буди о нас, недостойных (имена), молитвенник теплый, заступая нас от всяких бед и напастей, да твоими молитвами невредимы от враг видимых и невидимых пребудем. Моли милосердие Божие, да спасет нас от прегрешений наших, имиже веси судьбами. Моли благость Его, еже милостивно храму (дому) сему потребная подавати, жизнь нашу умирити и вся прихожаны храма сего помиловати, и спасти души наша, да непрестанно славим, хвалим, поем и величаем пречестное и великолепое имя Отца и Сына и Святаго Духа ныне и присно, и во веки веков. Аминь.

человек молиться

Вторая

О преподобне и богоносне отче наш Антоние! Веруем, яко ты, предстоя престолу Пресвятыя Троицы, велие имаши дерзновение в молитвах ко Всемилостивому Господу Богу, Иже всегда послушает тебе, вернаго раба и угодника Своего. Сего ради со умилением смиренно припадаем к тебе, святче Божий: не премолчи о нас молитися ко Господу Богу, в Троице покланяемому и славимому, да, милостивно призрев на ны, не попустит нам погибнути во гресех наших, но да возставит падших, да подаст исправление злому и окаянному нашему житию, от грядущих грехопадений восхищая, и да простит нам вся, елика согрешихом мыслию, словом и делом, от рождения до сего часа. Ты, подвижниче добродетели, веси немощь и скорбь времен настоящих, моли убо выну Христа Бога, да николиже нас оставляет Его неизреченное милосердие, но да хранит нас от мирских искушений, от диавольских сетей и от плотских похотей, да приимем от Него тобою и вся потребная к жизни временней, освобождение от бед и напастей, и неослабное терпение до конца. Испроси нам в мире и покаянии скончати живот наш и невозбранно прейти от земли на небо, мытарств же, и бесов воздушных, и вечныя муки избавитися, и сподобитися Царства Небеснаго с тобою и со всеми святыми, угодившими Господу Богу и Спасителю нашему Иисусу Христу, Емуже подобает всякая слава, честь поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

девушка молиться

Тропарь

Ревнителя Илию нравы подражая, Крестителю правыми стезями последуя, отче Антоние, пустыни был еси житель и вселенную утвердил еси молитвами твоими. Темже моли Христа Бога спастися душам нашим.

Кондак

Житейския молвы отринув, безмолвно житие скончал еси, Крестителя подражаяй всяким образом, преподобнейший, с ним убо тя почитаем, отцев начальниче, Антоние.

Величание

Ублажаем тя, преподобне отче Антоние, и чтим святую память твою, наставниче монахов и собеседниче ангелов.

Акафист

Избранный чудотворче и предивный угодниче Христов, преподобне отче Антоние, любовию восхваляюще богоугодное житие твое, благодарения песнь о тебе Богу приносим. Ты же, яко имеяй велие дерзновение ко Господу, от всяких нас бед свободи, да с радостию зовем ти: Радуйся, преподобне отче Антоние, пустыннаго жития начальниче.

святая книга

Икос 1

Ангельское житие от юности возлюбивши, в заповедех Божиих ходити вожделел еси, преподобне отче, и сердцем пламенея ко Господу сил, ум на Божественная возвел еси, временная и земная во уметы вменяя. Темже, промышлению Божию о тебе дивящеся, с верою зовем ти:

Радуйся, благочестивых родителей сыне достойный.

Радуйся, во благочестии ими воспитанный.

Радуйся, от юности за Христом последовавый.

Радуйся, суету земную ни во чтоже вменивый.

Радуйся, вертограда Христова делателю усердный.

Радуйся, пустыножителей наставниче великий.

Радуйся, спасения всем желавый.

Радуйся, путь истиннаго монашества показавый.

Радуйся, светильниче, огнем Божественным возжженный.

Радуйся, каменю веры во Христа несокрушенный.

Радуйся, благодатию Духа Святаго осиянный.

Радуйся, даром чудотворений облагодатствованный.

Радуйся, преподобне отче Антоние, пустыннаго жития начальниче.

Кондак 2

Видя враг рода человеческаго тебе, богоносне отче, на высоту духовную вознесшагося, восхоте погубити тя, но устыдися усердия и смирения твоего, ты бо непрестанно в посте и молитве подвизался еси, главу невидимаго змия сокрушая, Богу же со умилением поя: Аллилуиа.

горят свечи

Икос 2

Разумевше сердцем и умом, яко вся благая мира сего скоротечни и скоропреходящия суть, в пещере темней затворил еси себе, страсти умерщвляя и единому Господеви работая. Сего ради, похваляя равноангельное житие твое, вопием ти:

Радуйся, упование свое на Бога возложивый.

Радуйся, врага безумие посрамивый.

Радуйся, неустрашимый разрушителю козней диавольских.

Радуйся, чистотою и святынею Ангелом уподобивыйся.

Радуйся, пустыню подвиги твоими освятивый.

Радуйся, многия в Царствие Небесное управивый.

Радуйся, презренную гордость низлагаяй.

Радуйся, смиренномудрию научаяй.

Радуйся, свете, всех богомудрием просвещаяй.

Радуйся, лучезарная звездо, сиянием подвигов твоих всех озаряяй.

Радуйся, во славу Божию поживый.

Радуйся, пастырю добрый и долготерпеливый.

Радуйся, преподобне отче Антоние, пустыннаго жития начальниче.

Кондак 3

Сила Вышняго укрепляше тя, Антоние преблаженне, ты бо в посте, молитве, неустанных трудех и бдениих пребывая и всякия вражия искушения побеждая, воспевал еси благодатию покрывавшему тя Богу: Аллилуиа.

свеча в руках

Икос 3

Имея помысл чист и душу непорочну, блаженне отче, уразумел еси мира сего суету и непостоянство, и вечных благ вожделев, благ временных отреклся еси. Темже, ублажающе тя, вопием:

Радуйся, смирения благаго ревнителю.

Радуйся, мудрости духовныя искателю.

Радуйся, на высоту безстрастия возшедый.

Радуйся, всего себе Богу предавый.

Радуйся, Господу твоему незлобием уподобивыйся.

Радуйся, нищетою твоею богат бывый.

Радуйся, пустыни благодатное украшение.

Радуйся, мирови светильниче пресветлый.

Радуйся, бесов страшный прогонителю.

Радуйся, прелести их потребителю.

Радуйся, паче мудрецов мира сего мудрейший.

Радуйся, подвижниче всеусерднейший.

Радуйся, преподобне отче Антоние, пустыннаго жития начальниче.

Кондак 4

Бурю злых напастей утишая, в пустыню вселился еси, Антоние преблаженне, в нейже многоскорбный путь иноческаго жития прошел еси, вся козни вражеския попирая и прельщения его отсекая, укрепляющему тя Христу поя: Аллилуиа.

батюшка и свечи

Икос 4

Слышавше о богоугодном житии твоем, преподобне, прихождаху к тебе от всех концев ищущии правды Божия, ихже ты с любовию приемля, ко спасению руководствовал еси. Мы же, умиленною душею восхваляя тя, вопием сице:

Радуйся, пустынножителей правило и основание.

Радуйся, добрый стада Христова наставниче.

Радуйся, Церкви Христовы украшение.

Радуйся, монашествующих славо.

Радуйся, всего себе в жертву Господеви принесый.

Радуйся, страсти греховныя в себе умертвивый.

Радуйся, Ангелов веселие.

Радуйся, демонов всегубительное попрание.

Радуйся, пустынный жителю.

Радуйся, безмолвия рачителю.

Радуйся, на путь правый наставляяй.

Радуйся, Царствие Небесное возвещаяй.

Радуйся, преподобне отче Антоние, пустыннаго жития начальниче.

Кондак 5

Боготечная звезда чину иноческому явился еси, преподобне отче Антоние, образ быв словом, житием, любовию, верою, чистотою, воспевая Господу: Аллилуиа.

святая книга

Икос 5

Видя враг рода человеческаго чистое и святое житие твое, отче Антоние, многажды ополчашеся на тя: ты же смирением своим его побеждая, от пути спасительнаго не уклонился еси. Мы же, ведуще сие, поем ти:

Радуйся, вечныя жизни причастниче.

Радуйся, спасения великий наставниче.

Радуйся, житием твоим единому Богу послуживый.

Радуйся, иго Христово восприявый.

Радуйся, коварство лукавых демонов обличаяй.

Радуйся, на путь спасения наставляяй.

Радуйся, чистоты хранителю.

Радуйся, Троическаго света зрителю.

Радуйся, падших востание.

Радуйся, бесовския силы прогнание.

Радуйся, столпе веры утвержденный.

Радуйся, учителю совершенный.

Радуйся, преподобне отче Антоние, пустыннаго жития начальниче.

Кондак 6

Проповеди Евангельския послушав: «Аще хощеши совершен быти, иди, продаждь имение твое, и даждь нищим, и имети имаши сокровище на небеси; и гряди в след Мене», отрешил еси себе, отче Антоние, от богатств земных и, вселився в пустыню, житие постническое пожил еси, подвиги твоими сокровище себе на небеси стяжавая. Вразуми и нас, отче благосердый, к скорогибнущим вещем земным сердцем не прилеплятися, а паче о горних помышляти, вопия Господу сил: Аллилуиа.

книга и руки

Икос 6

Возсиял еси, яко богосветлое светило, в пустыни Египетстей, отче Антоние, озаряя всех лучами добродетелей и чудес твоих. Мы же, поминая подвиги твоя, ублажаем тя, глаголюще:

Радуйся, имже венчаются преподобнии.

Радуйся, имже спасаются человецы.

Радуйся, благодатное болящих посещение.

Радуйся, люте страждущих помощниче.

Радуйся, вражды разрушителю.

Радуйся, врагов истребителю.

Радуйся, верным мир и утверждение.

Радуйся, скорое от бед избавление.

Радуйся, злобы и коварства губителю.

Радуйся, отчаянных посетителю.

Радуйся, православным поборниче.

Радуйся, христианом помощниче.

Радуйся, преподобне отче Антоние, пустыннаго жития начальниче.

Кондак 7

Хотяй достойне подвигом добрым подвизатися, вся временная во уметы вменил еси, и нищ и убог пребывая, в пустыню вселился еси, да с единым Богом беседуеши, непрестанно поя Ему: Аллилуиа.

книга и свет

Икос 7

Новаго воистину наставника монахов яви тя Господь, отче Антоние: мнози бо познавше богоугодное и праведное житие твое, и высокую мудрость духовную уразумевше, послушаху словес твоих, яко словес великаго угодника Божия, емуже достоит пети таковая:

Радуйся, вере Авраама подражавый.

Радуйся, кротостию Давиду уподобивыйся.

Радуйся, ревность Илиину стяжавый.

Радуйся, стезями Крестителя последовавый.

Радуйся, воду в пустыни молитвою источивый.

Радуйся, разслабленныя от одра болезни воздвигнувый.

Радуйся, слепым прозрение даровавый.

Радуйся, многия болящия исцеливый.

Радуйся, наставниче монахов предивный и богомудрый.

Радуйся, Христа Бога служителю усердный.

Радуйся, претихое скорбных утешение.

Радуйся, прелюбимое иноков похваление.

Радуйся, преподобне отче Антоние, пустыннаго жития начальниче.

Кондак 8

Странное и пачеестественное житие преподобнаго Павла видев, блаженне Антоние, дивился еси высоте подвигов и доброделей его. Душу же его, Ангелы окружаему, на небеса восходящую узревши, Богу, дивному во святых Своих, возгласил еси: Аллилуиа.

девушка молиться

Икос 8

Радостию велиею возрадовался еси, отче Антоние, видяще восхождение на небо души преподобнаго Аммония, егоже прозорливыма очима зрел еси. Сего ради со многим удивлением взываем ти сице:

Радуйся, очеса своя выну на небо возводивый.

Радуйся, славу небесную паче всего возлюбивый.

Радуйся, непрестанными молитвами сердце свое освятивый.

Радуйся, мысль твою в Бозе утвердивый.

Радуйся, грядущая яко настоящая провидевый.

Радуйся, смирением твоим высокая дарования стяжавый.

Радуйся, стужаемыя от злых духов свободителю.

Радуйся, душевнаго и телеснаго здравия подателю.

Радуйся, в нуждах и бедах преславный заступниче.

Радуйся, в напастех и скорбех скорый защитниче.

Радуйся, яко нас, на земли сущих, не оставляеши.

Радуйся, яко о нас, грешных, мольбы Богу приносиши.

Радуйся, преподобне отче Антоние, пустыннаго жития начальниче.

Кондак 9

Всякое естество ангельское удивися высоте подвигов твоих, преподобне, яко в немощней человечестей плоти сый, по всему уподобился еси Ангелом и, силою Вышняго укрепляемь, во всяких добродетелех довольне изобиловал еси. Сего ради ангельским чинам причтен, поеши Всесильному Богу: Аллилуиа.

руки и книга

Икос 9

Витийство человеческое не довлеет к достойному прославлению жития твоего, отче Антоние: кто бо исповесть вся пощения и бдения, болезни и труды твоя? Кто изочтет слезы и воздыхания твоя яже к Богу? Обаче мы, любовию к тебе подвизаеми, дерзаем воспевати сице:

Радуйся, великий пустынножителю.

Радуйся, совершенства учителю.

Радуйся, истиннаго Бога служителю.

Радуйся, бесов из пустыни прогонителю.

Радуйся, громе, диавола поражаяй.

Радуйся, коварство его изобличаяй.

Радуйся, благодати Божия вместилище.

Радуйся, Духа Святаго обиталище.

Радуйся, постников украшение.

Радуйся преподобных похвало.

Радуйся, монахов основание.

Радуйся, отцев славо.

Радуйся, преподобне отче Антоние, пустыннаго жития начальниче.

Кондак 10

Спастися хотящим верный наставник был еси, преподобне, и ныне нам, грешным, спасения желающим, помози святыми твоими молитвами, да тобою вспомоществуеми, достигнем Царствия Небеснаго, идеже Ангели немолчно поют: Аллилуиа.

горят свечи

Икос 10

Стена крепкая и необоримая был еси своим учеником, сохраняя их от стреляний бесовских, и ныне нам буди стена и покров от всех козней диавольских вопиющих ти таковая:

Радуйся, ангеле земный.

Радуйся, человече небесный.

Радуйся, святыни чистое и честное жилище.

Радуйся, великих добродетелей вместилище.

Радуйся, благочестия ревнителю.

Радуйся, ересей обличителю.

Радуйся, любве Христовы исполнение.

Радуйся, иноков научение.

Радуйся, твердое верных прибежище.

Радуйся, крепкое падающих возведение.

Радуйся, укрепление немощных и разслабленных.

Радуйся, утешение унывающих и безнадежных.

Радуйся, преподобне отче Антоние, пустыннаго жития начальниче.

Кондак 11

Пение умиленное, от любви и усердия в похвалу тебе от нас возносимое, приими, благоутробне отче Антоние, приклонися к нам милостиво и в покаянии преуспети сподоби, да молитвами твоими выну поем Богу: Аллилуиа.

девушка в храме

Икос 11

Светоприемный светильник истиннаго Света сущим на земли явился еси, преподобне Антоние, просвещаеши бо сердца верных подвиги твоими и чудесы, наставляя на путь добродетельного и богоугоднаго жития. Темже слышиши от всех таковая:

Радуйся, наставниче премудрый.

Радуйся, вождю благонадежный.

Радуйся, всего себе воле Божией предавый.

Радуйся, Господа Иисуса паче всего возлюбивый.

Радуйся, терпением скорбей многоразличных просиявый.

Радуйся, вольною нищетою вечное богатство стяжавый.

Радуйся, в терпении и злострадании житие твое проводивый.

Радуйся, пустынное озлобление мужески терпевый.

Радуйся, ленивых к подвигом возбудителю.

Радуйся, исправления грешников поручителю.

Радуйся, Ангелов и всех святых собеседниче.

Радуйся, о всем мире усердный молитвенниче.

Радуйся, преподобне отче Антоние, пустыннаго жития начальниче.

Кондак 12

Благодать данную Ти от Бога ведуще, благоговейно лобызаем святолепное изображение лика твоего, угодниче Божий, и молимся: не остави нас твоим молитвенным предстательством ко Христу Богу, Емуже благодарно поем: Аллилуиа.

горят свечи

Икос 12

Поюще твое житие, восхваляем мирную кончину твою, преподобне отче Антоние, и молим ти ся: буди нам во всем ко благу скорый помощник, зовущим ти таковая:

Радуйся, небесный жителю.

Радуйся, Троицы Единосущныя предстоятелю.

Радуйся, Ангелов веселие.

Радуйся, святых собеседниче.

Радуйся, истинный угодниче Божий.

Радуйся, избранный слуго Господень.

Радуйся, теплый ходатаю о всех призывающих имя твое.

Радуйся, наставниче и упование почитающих тя.

Радуйся, благодатию Божиею насыщенный.

Радуйся, от источника Божественнаго напоенный.

Радуйся, потоком слез спасительных орошенный.

Радуйся, одеждою нетления одеянный.

Радуйся, преподобне отче Антоние, пустыннаго жития начальниче.

Кондак 13

О преподобне отче наш Великий Антоние, вечно живый в невечернем дни Царствия Христова, умоли всех Владыку избавитися нам от бед, скорбей и вечнаго мучения, да во веки поем Ему во Царствии Его: Аллилуиа.
(Этот кондак читается трижды, затем икос 1 и кондак 1)

руки и небо

Икос 1

Ангельское житие от юности возлюбивши, в заповедех Божиих ходити вожделел еси, преподобне отче, и сердцем пламенея ко Господу сил, ум на Божественная возвел еси, временная и земная во уметы вменяя. Темже, промышлению Божию о тебе дивящеся, с верою зовем ти:

Радуйся, благочестивых родителей сыне достойный.

Радуйся, во благочестии ими воспитанный.

Радуйся, от юности за Христом последовавый.

Радуйся, суету земную ни во чтоже вменивый.

Радуйся, вертограда Христова делателю усердный.

Радуйся, пустыножителей наставниче великий.

Радуйся, спасения всем желавый.

Радуйся, путь истиннаго монашества показавый.

Радуйся, светильниче, огнем Божественным возжженный.

Радуйся, каменю веры во Христа несокрушенный.

Радуйся, благодатию Духа Святаго осиянный.

Радуйся, даром чудотворений облагодатствованный.

Радуйся, преподобне отче Антоние, пустыннаго жития начальниче.

Кондак 1

Избранный чудотворче и предивный угодниче Христов, преподобне отче Антоние, любовию восхваляюще богоугодное житие твое, благодарения песнь о тебе Богу приносим. Ты же, яко имеяй велие дерзновение ко Господу, от всяких нас бед свободи, да с радостию зовем ти: Радуйся, преподобне отче Антоние, пустыннаго жития начальниче.

книга в руках

Канон

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Безсме́ртия и жи́зни е́мься ве́чныя я́ве и Трисия́нныя зари́, о́тче, насыща́яся, просвеще́нием благода́ти омраче́нную ду́шу мою́ озари́ти помоли́ся, я́ко да досто́йно воспою́ тя.

Мла́д сы́й во́зрастом телесе́, но́в пу́ть доброде́тели восприе́м, си́м безбе́дно ше́ствовал еси́, зако́ну но́вому повину́яся Спа́сову, треблаже́нне, и живоно́сным повеле́нием Ева́нгелия после́дуя.

Трисо́лнечным сия́нием, всему́дре, озаря́емь, злоу́мное, блаже́нне, де́монов свире́пство, и звере́й зия́ния, и ра́н боле́зни, я́коже паучи́ну, разори́л еси́, Боже́ственным разжиза́емь жела́нием.

Богоро́дичен: Я́ко Бо́жия Ма́ти, дерзнове́ние иму́щи к ро́ждшемуся из Тебе́ Единоро́дному Сло́ву, и Отцу́ Собезнача́льному, и Соесте́ственному Ду́ху, моля́щи не преста́й от бе́д спасти́, Всенепоро́чная, Тя́, Богоро́дицу, сла́вящия.

Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче.

Утвержде́нным по́мыслом и кре́пким терпе́нием страсте́й увяди́л еси́ пла́мень, в безстра́стия све́тлую оде́жду, Анто́ние, оде́ялся еси́, о́тче, и спасе́ния ри́зу.

Крепча́йшия прило́ги де́монов дерза́ющих и зве́рскими о́бразы подо́бящихся, пренебре́гл еси́ те́х немощну́ю си́лу, кре́пкаго бо име́л еси́ во бране́х Спомо́щника.

Богоно́сец, нача́ла тмы́ и вла́сти обличи́в воздержа́нием кре́пким, до́блественный победи́тель, Анто́ние, бы́л еси́, по́стников сла́ва, мона́шествующих похвала́.

Богоро́дичен: Умерщвле́нный мо́й у́м живо́тным де́йством, из Тебе́ я́вльшимся ми́ру, воздви́гни, Чи́стая, и к жи́зни наста́ви, я́же сме́рти две́ри разо́ршая еди́на Рождество́м Твои́м.

свеча и книга

Седа́лен, гла́с 8.
Ду́шу твою́ связа́в любо́вию Христо́вою, земна́я возненави́дев вся́ му́дре, водвори́лся еси́, о́тче преподо́бне, в пусты́нях и гора́х, разу́мнаго бо дре́ва вкуси́в, сла́вне, я́ко от незаходи́мых, таи́нниче, а́нгельски просия́л еси́. Те́мже и, мра́к проше́д пло́ти твоея́, тму́ отгна́л еси́ де́монов, Анто́ние, и, мона́шествующих предызбра́нный, моли́ Христа́ Бо́га прегреше́ний оставле́ние пода́ти чту́щим любо́вию святу́ю па́мять твою́.

Богоро́дичен: Я́ко Всенепоро́чная Неве́сто Творца́, я́ко Неискусому́жная Ма́ти Изба́вителя, прия́телище я́ко су́щи Уте́шителя, Всепе́тая, беззако́ния мя́ су́ща скве́рное оби́телище и де́монов игра́лище в ра́зуме бы́вша, потщи́ся от те́х злоде́йства мя́ изба́вити и све́тлое жили́ще доброде́телей соверши́, Светоно́сная Нетле́нная. Отжени́ о́блак страсте́й, и вы́шняго прича́стия сподо́би, и Све́та Невече́рняго моли́твами Твои́ми.

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Доброде́телей ле́ствицу Боже́ственную употреби́в, к высоте́, о́тче, возше́л еси́ и Бо́га ви́дел еси́, на не́й утвержде́на и да́ры раздава́юща руко́ю богате́йшею ве́рно пою́щим: си́ле Твое́й сла́ва, Человеколю́бче.

Ве́сь Бо́гу освяти́лся еси́, Анто́ние, еди́н Еди́ному, всему́дре, единя́яся доброде́телию и бесе́дами и богоявле́ния, я́ко чи́ст, сподобля́емь: земли́ бо и земны́х отступи́в, досто́йно небе́сное обре́л еси́ наслажде́ние.

Ум и ду́шу очи́стив, Анто́ние, пре́лесть, о́тче, душегу́бную, и кова́рствия, и ле́сти го́рькия, и мечта́ния враго́в обличи́л еси́, пострада́в бо, навы́кл еси́ и, научи́вся, учи́ши мона́шествующих мно́жества, всеблаже́нне.

Богоро́дичен: Бо́га, из Тебе́ воплоще́ннаго, моли́, непрело́жно, е́же бе́, пребы́вша и есте́ственно ра́вна Отцу́, и Тебе́, Ро́ждшей, бы́вша Единосу́щна, проще́ние прегреше́ний и ду́ш спасе́ние пою́щим Тя́ ве́рою дарова́ти.

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Живу́ща в тебе́ име́я вся́ ви́дящаго Бо́га, блаже́нне, науча́юща тя́, и просвеща́юща, и умудря́юща, ду́ш, треблаже́нне, чи́стых и блаже́нных восхо́ды зре́ти сподо́бился еси́.

Исцеле́ний тебе́ благода́ть на неду́ги разли́чныя дарова́ и на ду́хи нечи́стыя Христо́с вла́сть, му́дре: естество́ бо, о́тче, победи́в, па́че естества́ даро́в причасти́лся еси́ Ду́ха.

Богоро́дичен: Тя́ сте́ну иму́ще и предста́тельством Твои́м соблюда́еми, Твое́ю боже́ственною сла́вою хва́лящеся, Тя́ блажи́м: Ты́ бо, Всечи́стая, душа́м на́шим источа́еши весе́лие и ра́дование.

Ирмо́с: Бе́здна грехо́в и прегреше́ний бу́ря мя́ смуща́ет и во глубину́ ну́жднаго ре́ет мя́, отча́яния, но Твою́ кре́пкую ру́ку мне́ простри́, я́ко Петро́ви, о Упра́вителю, и спаси́.

Зако́нное страда́льчески житие́ от мя́гких ногте́й восприи́м, богому́дре, да́же до конца́ соблю́л еси́ и, я́ко боже́ствен до́блественник, вене́ц прия́л еси́ побе́ды от все́х Ца́рствующаго.

Иму́ще тя́ к Бо́гу моли́твенника крепча́йша, блаже́нне, и о́бщника попече́ний, и предста́теля, и побо́рника, и хода́тая благоче́стна, от вся́ких спаса́емся бе́д, и напа́стей, и обстоя́ний.

Богоро́дичен: Вознесла́ еси́ всеи́стинно па́дшееся челове́ческое существо́, во зра́це Боже́ственнем и Отца́ в ра́венстве, ви́димаго Сы́на неизме́ннаго, Богома́ти, без се́мене во чре́ве поноси́вши.

человек молиться

Конда́к, гла́с 2.
Жите́йския молвы́ отри́нув, безмо́лвно житие́ сконча́л еси́, Крести́теля подража́яй вся́ким о́бразом, преподо́бнейший, с ни́м у́бо тя́ почита́ем, отце́в нача́льниче, Анто́ние.

И́кос:
Христо́в гла́с услы́шав, ше́ствовал еси́ в сле́д Того́ за́поведей, на́г жития́ бы́в, и отве́ргл еси́ попече́ния вся́ стяжа́ний, име́ний и рабо́в твои́х, и сестры́ любле́ние, богоно́се Анто́ние, и, еди́н в пусты́нях Бо́гу бесе́дуя чисте́йше, ра́зума благода́ть прия́л еси́, ю́же ми́ посли́, в пе́снех тя́ пою́щему, отце́в нача́льниче, Анто́ние.

Ирмо́с: Бо́жия снисхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице, лику́юще поя́ху: благослове́н еси́, Бо́же оте́ц на́ших.

Ча́ши бы́ша арома́т лани́ты твоя́, доброде́телей благово́ние и спасе́ние благоуха́ющия, я́ко от цве́тника, ве́рою зову́щим: благослове́н Бо́г оте́ц на́ших.

Благода́ть Ду́ха Всесвята́го, в тя́ все́льшися, духо́в гони́теля лука́вствия, о́тче, соде́ла и мона́шествующих обучи́теля, зову́ща: благослове́н Бо́г оте́ц на́ших.

Богоро́дичен: Мари́ю Пречи́стую и Всесвяту́ю восхва́лим: То́ю бо благода́ть на́м источа́ется па́че ума́ даро́в, я́ко от пото́ка Боже́ственныя бла́гости, Ю́же благочести́вым по́мыслом ны́не ублажи́м.

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

В моли́твах бо́дрое, в поще́ниих благомо́щное, терпели́вное в напа́стех, Анто́ние, ума́ чистото́ю на земли́, я́ко а́нгел, показу́я, Бо́гу вопия́л еси́: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Моли́твами, преподо́бне, и мольба́ми приближа́яся ты́ непреста́нно к Бо́гу, восте́кл еси́ к высоте́ превзя́тей, де́монских сете́й избе́г, свободи́вся же те́х мучи́тельства, богому́дре, воспева́еши: свяще́нницы, по́йте, лю́дие, превозноси́те во вся́ ве́ки.

Но́вый Моисе́й бы́в, в пусты́ни побе́ду на враги́ и бори́тели поста́вил еси́, лю́ди предводя́, по́стников собо́р в весе́лии и но́вом жи́тельстве, вопию́щих Влады́це: свяще́нницы, благослови́те, лю́дие, превозноси́те во вся́ ве́ки.

Богоро́дичен: Богороди́тельнице Всечи́стая, души́ моея́ я́звы и грехо́вныя стру́пы очи́сти, исто́чниками омыва́ющи, су́щими из боку́ Рождества́ Твоего́ и су́щими из того́ очища́ющи струя́ми, к Тебе́ бо взыва́ю, и к Тебе́ прибега́ю, и Тя́ призыва́ю, Богоблагода́тную.

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, а́нгелов и челове́к чинонача́лия велича́ют.

Наста́ светоно́сный тво́й пра́здник, всеблаже́нне о́тче Анто́ние, испо́лнь ра́дости, испо́лнь весе́лия духо́внаго, испо́лнь Свята́го Ду́ха, испо́лнь благоуха́ния и просвеще́ния, и ны́не, иму́ще тя́ поще́ния пра́вило и законополо́жника, ра́дуемся.

Не преста́й моля́ Изба́вителя, всечестны́й о́тче, дарова́ти благогове́йно па́мять твою́ соверша́ющим свяще́нную, прегреше́ний оставле́ние, дарова́ний раздая́ние, боже́ственное предста́тельство, ду́ш спасе́ние, ве́чное ра́дование.

Равноа́нгелен пожи́в на земли́, равноа́нгельну обре́л еси́ све́тлость, те́х бо богови́днейшим сия́нием в прича́стии бы́л еси́. С ни́миже и ра́дуешися всегда́, я́ко боже́ственный проро́к, я́ко му́ченик венцено́сец, я́ко мона́шествующих верхо́вник.

Богоро́дичен: Зачала́ еси́, Де́во, без се́мене вся́ческая созда́вшаго Сло́во Бо́жие, кроме́ хоте́ний плотски́х, и без истле́ния родила́ еси́, без боле́зней ма́терних. Те́м Тя́, Богоро́дицу, и язы́ком, и се́рдцем испове́дающе, велича́ем.

руки и свеча

Свети́лен.
Све́т единонра́вных показа́лся еси́, све́та ходи́ти стезя́ми благочести́выя научи́в, Анто́ние, отце́в о́тче, и пла́мень мо́лнии па́ки о́гнь испуща́я и попаля́я де́монов полки́.

Богоро́дичен: Тя́ пе́сньми немо́лчными ублажа́ем, Де́во, я́ко от Тро́ицы Еди́наго родила́ еси́, Богоро́дице, и носи́ла еси́ на боже́ственных объя́тиих Пресу́щественное Сло́во, невра́щно и неизме́нно.

Иконография

На иконах Антония изображают одетым в строгие монашеские одежды. Он держит посох или колокольчик. Эти атрибуты запомнились ученикам отшельника, по их словам, они были необходимы христианину для отпугивания бесов.

Почитание

Великого подвижника почитают 17 января. Это день памяти, когда в храмах поют акафисты, читают каноны.



Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
Добавить комментарий