История появления акафиста Ксении Петербургской, полный текст и как правильно читать

Святая Ксения Петербургская обрела благодать Божью не в монашеском ските или в монастыре, а на городских улицах. Широта и доброта души юродивой раскрылась после личной трагедии — смерти любимого мужа. Молодая женщина отреклась от собственного счастья и при жизни отдала Богу душу. Взамен Господь послал ей дар прозорливости, способность соединять одиноких людей и дарить радость. В честь подвига самопожертвования блаженной Ксении Петербургской составлен акафист.

История появления

Святая Ксения канонизирована 6 июня 1988 года. Акафист написан в конце 80-х годов 20 века, когда жанр гимнографии вновь стал популярным. В хвалебном гимне изложены события жития блаженной.

Краткое житие

Ксения Григорьевна Петрова родилась приблизительно в период с 1719 по 1730 год. Точная дата рождения не известна. Петровой женщина стала в замужестве. Девичья фамилия тоже не известна, как и происхождение ее родителей. Муж, Андрей — военный в звании полковника, набожный и уважаемый человек, певчий в церковном хоре.

Ксения жила в счастливом браке. Ей было 26 лет, когда Андрей заболел и внезапно скончался без покаяния. Смерть мужа потрясла женщину. Но она переживала не за себя, а за его нераскаянную душу. Женщина будто поменялась с мужем местами: объявила, что умерла Ксения Григорьевна, а Андрей Федорович остался на земле, и надела одежду усопшего.

Вдова раздала нажитое добро и деньги, передала дом знакомой, Параскеве Антоновой. Женщина связно вела разговор, пребывала в здравом уме. Она отказалась от привычной жизни ради спасения души мужа, приняла мнимое безумие и ушла бродить по городу.

Люди стали уважать юродивую. Беспокойные дети в ее руках улыбались. Петербуржцы заметили, что нищенка приносит удачу и счастье в дома и лавки, в которые заходит. Ее зазывали пряниками торговцы и предлагали бесплатно прокатить извозчики, продолжая именовать Андреем Федоровичем. В непогоду юродивая обходилась без верхней одежды и переживала снежные холодные зимы в добром здравии.

Ксения до конца жизни прожила свободной от мирских забот. Юродивая почила в 1803 году. Ее похоронили на Смоленском кладбище. С 1900 года там стоит часовня святой Ксении Петербургской, и люди приходят почтить память юродивой. Место упокоения блаженной до сих пор привлекает верующих чудотворной силой.

СВЯТАЯ ИКОНА

Воспетые подвиги блаженной

13 кондаков и 12 икосов, из которых традиционно складывается акафист, повествуют о подвиге терпения, отречения от женской немощи и принятии нищеты Ксенией во имя Христа. В первых стихах воспеваются сила воли и милосердие женщины, с которыми она несла крест юродства. Ксения жила на улице, принимала в знак подаяния только медные деньги и отдавала их нищим семьям. Блаженная излучала добро и покой. А если прислушаться к ее речи, можно было услышать мудрый совет или предсказание.

Акафист описывает главные чудеса святой Ксении и составлен по образцу первого хвалебного гимна — Акафиста Пресвятой Богородице.

В Петербурге уже ходила молва о блаженной, когда на Смоленском кладбище началось строительство храма. Кирпичи на стены с трудом поднимали на лесах. Однажды рабочие пришли к храму, а кирпичи уже наверху. И так каждый день. Оказалось, что юродивая ночью поднимает их. Строители удивились. Женщина в одиночку поднимала большую тяжесть и не требовала ничего за работу.

Акафист упоминает о даре святой утешать и соединять людей. Однажды Ксения сказала Параскеве Антоновой, чтобы та шла на Смоленское кладбище — Господь послал ей сына. В это время извозчик сбил рядом с погостом беременную женщину. Она родила и на месте скончалась. Вокруг тела несчастной собралась толпа, когда подошла Параскева. Вдруг ей в руки передали новорожденного мальчика. Антонова вырастила его, как собственного сына.

Молодой мужчина, врач, овдовел и оплакивал жену возле ее могилы. На погосте ему встретилась девушка. Она утешала и помогала ему. Скоро вдовец оправился от горя, а через год женился на доброй девушке. Оказалось, что в день знакомства она пришла на кладбище по совету блаженной Ксении. Акафист повествует о чудотворной силе молитвы, обращенной к святой Ксении. При жизни блаженной мысленное обращение к ней помогло жительнице Петербурга спасти дом от пожара.

икона ксении петербургской

Как правильно читать

Блаженной Ксении Петербургской молятся о даровании супруга или супруги, детей, о здоровье ближних и благополучном разрешении мирских забот.

Как молиться акафистом святой дома:

  • перед хвалебным гимном читают основные молитвы: «Святому Духу», «Трисвятое», «Пресвятой Троице», «Отче Наш», 50 Псалом, «Символ Веры»;
  • после вступительных молитв читают акафист и молитву святой, в конце можно попросить о личном;
  • кондак 13 читают 3 раза, с поклонами после каждого прочтения;
  • после акафиста произносят молитву «Достойно Есть». В период от Пасхального Воскресения до дня Вознесения Господня ее заменяют гимном «Ангел Вопияше».

Акафист блаженной Ксении утвержден для общецерковного использования. Неседальный гимн читают обязательно стоя.

Полный текст на русском языке

Кондак 1

Избра́нная уго́дница и Христа́ ра́ди юро́дивая, свята́я блаже́нная ма́ти Ксе́ние, избра́вшая по́двиг терпе́ния и злострада́ния, хвале́бное пе́ние прино́сим ти́, чту́щия святу́ю па́мять твою́. Ты́ же заступи́ на́с от вра́г ви́димых и неви́димых, да зове́м ти́:

Ра́дуйся, Ксе́ние блаже́нная, моли́твеннице о душа́х на́ших.

икона ксении петербургской

Икос 1

Равноа́нгельнаго жития́ взыска́ла еси́, блаже́нная ма́ти, по успе́нии му́жа твоего́ отве́ргла еси́ ми́ра сего́ красоту́ и вся́, я́же в не́м: по́хоть оче́с, по́хоть пло́ти и го́рдость жите́йскую, юро́дством ра́зум Христо́в стяжа́ла еси́. Того́ ра́ди услы́ши от на́с похвалы́, тебе́ возноси́мыя:

Ра́дуйся, житие́м твои́м Андре́ю, Христа́ ра́ди юро́дивому ра́вная; ра́дуйся, и́мени своего́ отре́кшаяся, себе́ же уме́ршей именова́вшая.

Ра́дуйся, в юро́дстве и́мя му́жа твоего́ Андре́я прия́вшая; ра́дуйся, и́менем му́жеским назва́вшись, не́мощи же́нской отреши́вшаяся.

Ра́дуйся, все́ име́ние твое́ до́брым лю́дям и ни́щим разда́вшая; ра́дуйся, нищету́ доброво́льную Христа́ ра́ди прия́вшая.

Ра́дуйся, ве́ка сего́ суему́дрия юро́дством твои́м отверга́тися на́с научи́вшая; ра́дуйся, блага́я уте́шительнице все́х, в моли́тве к тебе́ прибега́ющих.

Ра́дуйся, Ксе́ние блаже́нная, моли́твеннице о душа́х на́ших.

Кондак 2

Ви́дя стра́нное твое́ житие́, я́ко ты́ презре́ла еси́ до́м сво́й и вся́кое мирско́е бога́тство, родны́е по пло́ти безу́мной тя́ полага́ху, лю́дие же гра́да Петро́ва, ви́дя смире́ние твое́, нестяжа́ние и во́льную нищету́, воспе́ли Бо́гу: Аллилу́иа.

Икос 2

Ра́зум, от Бо́га тебе́ да́нный, ты́, Ксе́ние блаже́нная, в мни́мом безу́мии скры́ла еси́; в суете́ гра́да вели́каго а́ки пусты́нница жила́ еси́, моли́твы Бо́гу свои́ вознося́ непреста́нно. Мы́ же, дивя́щеся таково́му житию́ твоему́, взыва́ем тебе́ хвале́бно:

Ра́дуйся, кре́ст тя́жкий юро́дства, от Бо́га тебе́ да́нный, на ра́ма своя́ прия́вшая; ра́дуйся, мни́мым безу́мием сия́ние благода́ти скрыва́вшая.

Ра́дуйся, да́р прозорли́вости смире́нием кра́йним и по́двигом моли́твы стяжа́вшая; ра́дуйся, да́р се́й на по́льзу и спасе́ние стра́ждущих явля́вшая.

Ра́дуйся, страда́ния людски́я прозорли́во в да́ли необозри́мей зре́вшая; ра́дуйся, жене́ до́брой о рожде́нии сы́на проре́кшая.

Ра́дуйся, я́ко жене́ то́й у Бо́га ча́до испроси́вшая; ра́дуйся, все́х к Бо́гу в моли́тве прибега́ти научи́вшая.

Ра́дуйся, Ксе́ние блаже́нная, моли́твеннице о душа́х на́ших.

святая икона

Кондак 3

Си́лою свы́ше, от Бо́га тебе́ дарова́нной, зно́й и лю́ту сту́жу му́жественно претерпева́ла еси́, распина́я пло́ть свою́ со страстьми́ и похотьми́. Те́м же Ду́хом Святы́м просвеща́емая, взыва́ла непреста́нно Бо́гу: Аллилу́иа.

Икос 3

Име́я, о блаже́нная, не́бо покро́вом себе́, зе́млю же ло́жем свои́м, отве́ргла еси́ плотоуго́дие Ца́рства Бо́жия ра́ди. Мы́ же, зря́ще таково́е твое́ житие́, со умиле́нием зове́м ти́:

Ра́дуйся, жили́ще свое́ земно́е лю́дям отда́вшая; ра́дуйся, небе́снаго кро́ва взыска́вшая и получи́вшая.

Ра́дуйся, ничто́же земно́е иму́щая, а все́х духо́вно богатя́щая; ра́дуйся, житие́м свои́м терпе́нию на́с науча́ющая.

Ра́дуйся, любо́вь Бо́жию лю́дям показу́ющая; ра́дуйся, плода́ми благоче́стия украше́нная.

Ра́дуйся, терпе́ние и незло́бие ми́ру яви́вшая; ра́дуйся, те́плая предста́тельница на́ша пред престо́лом Всевы́шняго.

Ра́дуйся, Ксе́ние блаже́нная, моли́твеннице о душа́х на́ших.

Кондак 4

Бу́рю жите́йскую, во гра́де Петро́ве мяту́щуюся, кро́тостию и незло́бием преодоле́ла еси́, блаже́нная ма́ти, безстра́стие же к тле́нному ми́ру стяжа́ла еси́. Те́м же и пое́ши Бо́гу: Аллилу́иа.

икона ксении петербургской

Икос 4

Слы́ша о тебе́, я́ко ты́, злостра́жда Христа́ ра́ди, ско́рбных утеша́еши, немощны́х укрепля́еши, заблу́ждших на пу́ть пра́вый наставля́еши, лю́дие стра́ждущия к по́мощи твое́й прибега́ху, воспева́юще тебе́:

Ра́дуйся, пу́ть Христо́в все́м се́рдцем возлюби́вшая; ра́дуйся, кре́ст Христо́в ра́достно поне́сшая.

Ра́дуйся, вся́кое поноше́ние от ми́ра, пло́ти и диа́вола претерпе́вшая; ра́дуйся, даро́в Бо́жиих преиспо́лненная.

Ра́дуйся, любо́вь к бли́жним яви́вшая; ра́дуйся, стра́ждущим лю́дям утеше́ние подава́вшая.

Ра́дуйся, сле́зу пла́чущих отира́вшая; ра́дуйся, благода́тию Ду́ха Свята́го чуде́сно согрева́емая.

Ра́дуйся, Ксе́ние блаже́нная, моли́твеннице о душа́х на́ших.

Кондак 5

Боготе́чной звездо́ю яви́лася свя́тость твоя́, Ксе́ние блаже́нная, освети́вшая небоскло́н гра́да Петро́ва. Уже́ бо лю́дем, ги́бнущим в безу́мии греха́, ты́ яви́ла пу́ть спасе́ния, все́х к покая́нию призыва́я, во е́же вопи́ти Бо́гу: Аллилу́иа.

Икос 5

Ви́дя по́двиги твоя́ в моли́тве, терпе́нии хла́да и зно́я, благочести́вые лю́ди пыта́хуся ума́лити страда́ния твоя́, оде́жду тебе́ и пи́щу принося́ще. Ты́ же вся́ сия́ ни́щим раздава́ла еси́, жела́я в та́йне по́двиг сво́й сохрани́ти. Мы́ же, дивя́ся во́льней нищете́ твое́й, взыва́ем ти́ си́це:

Ра́дуйся, зно́й и сту́жу Христа́ ра́ди доброво́льно терпе́вшая; ра́дуйся, в моли́тве непреста́нно пребыва́вшая.

Ра́дуйся, гра́д Петро́в всено́щным бде́нием от бе́д огражда́вшая; ра́дуйся, гне́в Бо́жий мно́гажды от него́ отвраща́вшая.

Ра́дуйся, во все́ дни́ го́да ноча́ми в по́ле моли́вшаяся; ра́дуйся, сла́дость ра́йскую в нищете́ духо́вной вкуси́вшая.

Ра́дуйся, я́ко в сла́дости се́й вся́ земна́я оста́вившая; ра́дуйся, я́ко вся́ в Бо́зе пребыва́вшая.

Ра́дуйся, Ксе́ние блаже́нная, моли́твеннице о душа́х на́ших.

горят свечи

Кондак 6

Пропове́дуют свя́тость жития́ твоего́, богоблаже́нная, вси́ изба́вленнии тобо́й от многоразли́чных боле́зней, бе́д и скорбе́й, бога́тии и убо́зии, ста́рцы и ю́ныя. Те́м же и мы́, прославля́юще тя́, Бо́гу вопие́м: Аллилу́иа.

Икос 6

Возсия́ла сла́ва по́двигов твои́х, блаже́нная ма́ти, егда́ ты́ но́щию строи́телем це́ркви Смоле́нской ка́мни та́йно носи́ла еси́, облегча́я де́лателей церко́вных. Сия́ ве́дуще, и мы́ гре́шнии зове́м ти́ такова́я:

Ра́дуйся, та́йно твори́ти доброде́тели на́с науча́ющая; ра́дуйся, к по́двигом благоче́стия все́х призыва́ющая.

Ра́дуйся, строи́телем хра́мов Бо́жиих помога́ющая; ра́дуйся, свя́тость церко́вную возлюби́вшая.

Ра́дуйся, труды́ на́ши на пути́ спасе́ния облегча́ющая; ра́дуйся, к тебе́ прибега́ющих ско́рая помо́щница.

Ра́дуйся, все́м скорбя́щим блага́я уте́шительница; ра́дуйся, гра́да Петро́ва небе́сная засту́пница.

Ра́дуйся, Ксе́ние блаже́нная, моли́твеннице о душа́х на́ших.

Кондак 7

Хотя́ изба́вити от ско́рби пла́чущаго врача́, жену́ хорони́вшаго, ты́ повеле́ла не́коей деви́це на О́хту бежа́ти и та́мо му́жа себе́ обрести́ и уте́шити. И соверши́шася та́ко, я́коже ты́ рекла́ еси́. Они́ же в ра́дости воспе́ша Бо́гу: Аллилу́иа.

горят свечи

Икос 7

Но́вое чу́до в моли́тве свое́й показа́ла еси́ ты́, блаже́нная ма́ти, егда́ рекла́ еси́ жене́ благочести́вой: “Возьми́ пята́к, поту́хнет”. Си́м прорекла́ е́й о пожа́ре до́ма ея́. И по моли́тве твое́й пла́мень огня́ угасе́. Мы́ же, ве́дяще сия́, вопие́м ти́ похва́льная:

Ра́дуйся, ско́рби людски́я угаша́ющая; ра́дуйся, дерзнове́ние пред Бо́гом за стра́ждущих яви́вшая.

Ра́дуйся, свече́ неугаси́мая, в моли́твах к Бо́гу я́рко горя́щая; ра́дуйся, предста́тельница на́ша в беда́х и напа́стех.

Ра́дуйся, страстьми́ одержи́мых от ги́бели спаса́ющая; ра́дуйся, благочести́вых де́в от бра́ка неве́рнаго отвраща́ющая.

Ра́дуйся, клевето́ю уя́звленных от отча́яния избавля́ющая; ра́дуйся, на суде́ непра́веднем ско́рая защи́тница.

Ра́дуйся, Ксе́ние блаже́нная, моли́твеннице о душа́х на́ших.

Кондак 8

Стра́нницей бездо́мней прошла́ еси́ пу́ть жи́зни твое́й в сто́льном гра́де оте́чества на́шего, в вели́цем терпе́нии ско́рби и поноше́ния неся́. Ны́не же в го́рнем Иерусали́ме пребыва́я, в ра́дости пое́ши Бо́гу: Аллилу́иа.

Икос 8

Все́м вся́ была́ еси́, Ксе́ние блаже́нная: скорбя́щим утеше́ние, немощны́м покро́в и защище́ние, печа́льным ра́дование, ни́щим одея́ние, боля́щим исцеле́ние. Сего́ ра́ди и вопие́м тебе́:

Ра́дуйся, в го́рних, оби́телях пребыва́ющая; ра́дуйся, о на́с гре́шных та́мо моля́щаяся.

Ра́дуйся, благи́й о́браз служе́ния Бо́гу яви́вшая; ра́дуйся, уни́женных и гони́мых покрови́тельница.

Ра́дуйся, правосла́вный люд моли́твами твои́ми заступа́ющая; ра́дуйся, оби́димых и моля́щихся тебе́ защища́ющая.

Ра́дуйся, оби́дящих вразумля́ющая; ра́дуйся, неве́рных и глуми́телей посрамля́ющая.

Ра́дуйся, Ксе́ние блаже́нная, моли́твеннице о душа́х на́ших.

книга и свеча

Кондак 9

Вся́кия претерпе́ла еси́ боле́зни, блаже́нная ма́ти, нищету́ теле́сную, гла́д и жа́жду, еще́ же и поноше́ние от люде́й беззако́нных, и́же мня́ху тя́ безу́мной бы́ти. Ты́ же, Го́споду моля́ся, вы́ну взыва́ла Ему́: Аллилу́иа.

Икос 9

Вети́я многовеща́нныя не мо́гут разуме́ти, ка́ко ты́ безу́мием свои́м безу́мие ми́ра сего́ обличи́ла еси́ и не́мощию свое́ю посрами́ла еси́ кре́пкия и му́дрыя. Не ве́дают бо в тебе́ Бо́жией си́лы и Бо́жией прему́дрости. Мы́ же, по́мощь твою́ получи́вше, пое́м ти́ такова́я:

Ра́дуйся, Боже́ственнаго Ду́ха носи́тельнице; ра́дуйся, со апо́столом Па́влом не́мощию свое́ю хвали́вшаяся.

Ра́дуйся, мни́мым безу́мием свои́м ми́р обличи́вшая; ра́дуйся, красоту́ ве́ка своего́ спасе́ния ра́ди отве́ргшая.

Ра́дуйся, небе́сная бла́га все́м се́рдцем возлюби́вшая; ра́дуйся, на пу́ть спасе́ния на́с призыва́ющая.

Ра́дуйся, во грехе́ пия́нства гро́зная обличи́тельнице; ра́дуйся, безме́здным враче́м и ми́лостивым все́м бы́вшая.

Ра́дуйся, Ксе́ние блаже́нная, моли́твеннице о душа́х на́ших.

Кондак 10

Хотя́ спасти́ ду́шу, ты́ пло́ть свою́ со страстьми́ и похотьми́ распя́ла еси́ и, невозвра́тно себя́ отве́ргши, кре́ст сво́й на ра́ма своя́ возложи́ла еси́ и Христу́ все́м се́рдцем после́довала еси́, поя́ Ему́: Аллилу́иа.

свечи в храме

Икос 10

Стена́ еси́ тве́рдая и прибе́жище необори́мое яви́лась моля́щимся тебе́, ма́ти Ксе́ние. Те́м же заступа́й и на́с от вра́г ви́димых и неви́димых моли́твами твои́ми, да зове́м ти́:

Ра́дуйся, на тру́д духо́вный на́с воздвига́ющая; ра́дуйся, от сете́й вра́жиих на́с избавля́ющая.

Ра́дуйся, фимиа́м кади́льный, Бо́гу приноси́мый; ра́дуйся, ми́р Бо́жий в сердца́ люде́й принося́щая.

Ра́дуйся, ду́х зло́бы в сердца́х озло́бленных угаша́ющая; ра́дуйся, де́тем благи́м благослове́ние подаю́щая.

Ра́дуйся, та́йною моли́твою и́х от боле́зней исцеля́ющая; ра́дуйся, ми́ру озло́бленному му́дрость Бо́жию яви́вшая.

Ра́дуйся, Ксе́ние блаже́нная, моли́твеннице о душа́х на́ших.

Кондак 11

Пе́ние хвале́бное прино́сят ти́, Ксе́ние блаже́нная, спа́сшиеся твои́ми моли́твами от бе́д и скорбе́й, и вся́ких напа́стей, и ку́пно с тобо́ю ра́достно пою́т Бо́гу: Аллилу́иа.

Икос 11

Светоза́рным све́том яви́лось житие́ твое́, свята́я ма́ти, во мра́ке жития́ сего́ освеща́ющим лю́ди. Ты́ бо па́дших из ти́ны греха́ изба́вила еси́ и к све́ту Христо́ву напра́вила еси́ пу́ть и́х. Те́м же и зове́м ти́:

Ра́дуйся, правосла́вных люде́й Бо́жиим све́том просвеща́ющая: ра́дуйся, Христо́ва уго́дница, в ми́ре надми́рно пожи́вшая.

Ра́дуйся, труды́ мно́гими вели́кую благода́ть стяжа́вшая; ра́дуйся, во тьме́ греха́ благода́тию Бо́жиею сия́вшая.

Ра́дуйся, отча́явшимся на пути́ спасе́ния ру́ку по́мощи подаю́щая; ра́дуйся, немощны́х в ве́ре укрепля́ющая.

Ра́дуйся, духо́в зло́бы посрамля́ющая; ра́дуйся, житие́м свои́м А́нгелов удиви́вшая.

Ра́дуйся, Ксе́ние блаже́нная, моли́твеннице о душа́х на́ших.

икона ксении петербургской

Кондак 12

Благода́ть оби́льно источа́еши, Ксе́ние блаже́нная, на чту́щих па́мять твою́ и прибега́ющих к покро́ву твоему́. Те́м же и на́м, тебе́ моля́щимся, источи́ от Бо́га струи́ исцеле́ния, да зове́м Ему́: Аллилу́иа.

Икос 12

Пою́ще мно́гая чудеса́ твоя́, блаже́нная ма́ти, восхваля́ем тя́ и всеусе́рдно мо́лим, не оста́ви на́с гре́шных в ско́рбных обстоя́ниях, но умоли́ Го́спода си́л, да не отпаде́м от ве́ры на́шея правосла́вныя, в Не́м же тобо́ю утвержда́еми зове́м ти́:

Ра́дуйся, сострада́ти стра́ждущим на́с науча́ющая; ра́дуйся, не́мощи на́ша всеусе́рдно врачу́ющая.

Ра́дуйся, распина́ти пло́ть со страстьми́ и похотьми́ науча́ющая; ра́дуйся, о чту́щих па́мять твою́ хода́таице и покрови́тельнице.

Ра́дуйся, ско́рбный пу́ть проше́дшая; ра́дуйся, спасе́ние ве́чное си́м улучи́вшая.

Ра́дуйся, ко гро́бу твоему́ притека́ющим отра́ду подаю́щая; ра́дуйся, о спасе́нии Оте́чества на́шего при́сно хода́тайствующая.

Ра́дуйся, Ксе́ние блаже́нная, моли́твеннице о душа́х на́ших.

Кондак 13

О, свята́я блаже́нная ма́ти Ксе́ние, в житии́ твое́м кре́ст тя́жкий поне́сшая! Приими́ от на́с, гре́шных, моле́ние сие́, к тебе́ приноси́мое. Огради́ на́с моли́твами твои́ми от наве́тов духо́в тьмы́ и все́х, мы́слящих на́м зла́я. Умоли́ всеще́драго Бо́га пода́ти на́м си́лу и кре́пость, да ки́йждо от на́с во́зьмет кре́ст сво́й и во сле́д Христу́ гряде́т, поя́ Ему́ с тобо́ю: Аллилу́иа.

Этот кондак читается трижды, затем икос 1-й и кондак 1-й.

горит свеча

Моли́тва

О, свята́я всеблаже́нная ма́ти Ксе́ние! Под покро́вом Всевы́шняго жи́вшая, ведо́мая и укрепля́емая Богома́терию, гла́д и жа́жду, хла́д и зно́й, поноше́ния и гоне́ния претерпе́вшая, да́р прозорли́вости и чудотворе́ния от Бо́га получи́ла еси́ и под се́нию Всемогу́щаго поко́ишися. Ны́не свята́я Це́рковь, я́ко благоуха́нный цве́т, прославля́ет тя́. Предстоя́ще на ме́сте твоего́ погребе́ния, пред о́бразом твои́м святы́м, я́ко живе́й ти́, су́щей с на́ми, мо́лимся ти́: приими́ проше́ния на́ша и принеси́ и́х ко престо́лу милосе́рдаго Отца́ Небе́снаго, я́ко дерзнове́ние к Нему́ иму́щая, испроси́ притека́ющим к тебе́ ве́чное спасе́ние, на блага́я дела́ и начина́ния на́ша ще́дрое благослове́ние, от вся́ких бе́д и скорбе́й избавле́ние. Предста́ни святы́ми твои́ми моли́твами пред Всеми́лостивым Спаси́телем на́шим о на́с, недосто́йных и гре́шных. Помози́, свята́я блаже́нная ма́ти Ксе́ние, младе́нцы све́том свята́го креще́ния озари́ти и печа́тию да́ра Ду́ха Свята́го запечатле́ти, о́троки и отрокови́цы в ве́ре, че́стности, богобоя́зненности воспита́ти и успе́хи в уче́нии и́м дарова́ти; боля́щия и неду́гующия исцели́, семе́йным любо́вь и согла́сие ниспосли́, мона́шествующих по́двигом до́брым подвиза́тися удосто́й и от поноше́ний огради́, па́стыри в кре́пости Ду́ха Свята́го утверди́, наро́д и страну́ на́шу в ми́ре и безмяте́жии сохрани́, о лише́нных в предсме́ртный ча́с причаще́ния Святы́х Христо́вых Та́йн умоли́. Ты́ на́ша наде́жда и упова́ние, ско́рое услы́шание и избавле́ние, тебе́ благодаре́ние возсыла́ем и с тобо́ю сла́вим Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Поделиться
Отправить
Класснуть
Вотсапнуть
Запинить
Помогла статья? Оцените её
(1 оценок, среднее: 5,00 из 5)
Загрузка...
Добавить комментарий